1 Corintios 7:18 - Mixtec Silacayoapan

¹⁸ Ta tá na̱qui̱hvi ndó íchi̱ cuéntá Jesús ta sa̱ ndáca̱a̱n marca yiquí cu̱ñu ndó co̱ó caja toho a. Joo tá co̱ó marca ja̱n yiquí cu̱ñu ndó co̱ ndítahan chíca̱a̱n ndó ña̱ yiquí cu̱ñu ndó.

1 Corintios 7:18 ပူးပေါင်းရင်းမြစ်များ

Hechos 15:19

Já na̱cachi tucu Jacobo já xi̱hi̱n ná: —Sa̱há ña̱ cán quéa̱ cáha̱n i̱ ña̱ co̱ ndítahan caja ndúsa̱ yó xi̱hín na̱ tóho̱ cacu va̱ha na ley Moisés jáchi̱ na̱casáhá ndíco̱ na̱ íchi̱ cuéntá Ndióxi̱ viti.

Hechos 15:24

Sa̱ na̱ñe̱hé nde̱ tu̱hun ña̱ na̱quee java na̱ cúú cuéntá Jesús ñuu yóho na̱sa̱a̱ na̱ chí ja̱n tá co̱ó na̱xi̱ca̱ na̱ ña̱ma̱ni̱ nu̱ú nde̱ cu̱hu̱n na̱. Ta na̱jáqui̱hvi̱ na̱ ndo̱hó ta na̱jájana na ji̱ni̱ ndó xi̱hín tu̱hun cáha̱n na̱ jáchi̱ cáchí na̱ xi̱hi̱n ndó ña̱ ndítahan nu̱ ndó chíca̱a̱n ndó marca yiquí cu̱ñu ndó ta ndítahan cacu va̱ha ndó ley Moisés já ná cuu ca̱cu ndaa ínima̱ ndo̱.

Hechos 15:28

Mé ínima̱ yi̱i̱ Ndióxi̱ na̱jáca̱ha̱n nde̱he̱ ña̱ co̱ ndítahan nu̱ú nde̱ caja ndúsa̱ nde̱ xi̱hi̱n ndó cacu va̱ha ndó tócó ndihi ña̱ sáhndá ley Moisés. Joo ná ca̱ha̱n nde̱ xi̱hi̱n ndo̱ ndía̱ quéa̱ co̱ ndítahan caja ndó:

Hechos 15:5

Joo java na̱ fariseo, na̱ sa̱ ndiquehe íchi̱ cuéntá Jesús na̱nda̱ca̱ ndichi na já na̱casáhá cáchí na̱ já: —Ndítahan nu̱ú na̱ cúú cuéntá Jesús, na̱ co̱ó na̱quixi chi̱chi Israel chica̱a̱n na̱ marca yiquí cu̱ñu na̱. Ta ndítahan nu̱ mí ca̱ha̱n í xi̱hi̱n ná ña̱ ná cacu va̱ha na ley Moisés —na̱cachi na̱ fariseo cán.

Hechos 21:21

Joo na̱ñe̱he̱ ná tu̱hun ña̱ xíca nuún jána̱hún nu̱ú na̱ Israel, na̱ ndúu ñuu tóho̱ ña̱ co̱ xíní ñúhú ga̱ caja na ña̱ sáhndá ley Moisés ta ni marca cán co̱ xíní ñúhú chica̱a̱n ga̱ na̱ yiquí cu̱ñu ja̱hyi na. Ta jána̱hún na̱ ña̱ co̱ ndítahan caja na costumbre na̱jándacoo tásáhnu jícó yo̱ nu̱ yo̱.

Colosenses 3:11

Jáchi̱ viti co̱ó sa̱há ga̱ á tá cúú yó na̱ Israel á tá co̱ cúú yó na̱ Israel, á tá cúú yó na̱ na̱qui̱hvi marca yiquí cu̱ñu í á tá co̱ó na̱qui̱hvi marca yiquí cu̱ñu í, á tá cúú yó na̱ tóho̱ á tá co̱ cúú toho í na̱. Ta ni co̱ó sa̱ha̱ toho a á tá cúú yó na̱ yucú ñúhú ta ni co̱ó sa̱ha̱ toho a á tá cúú yó na̱ cómí xitoho cuéntá sa̱ha̱, á tá cúú yó na̱ xíca núná mé. Joo ña̱ íin sa̱ha̱ quéa̱ tá ná ndiquia̱hva ndó mé ndó ndáha̱ Jesucristo ña̱ ná cacomí a̱ cuéntá sa̱ha̱ ndo̱ jáchi̱ tócó ndihi na̱ cán cúú ná na̱ ndáca̱a̱n Jesucristo ínima̱.