Yunus 1:16 - Tuhan pung Kata-kata

¹⁶ Lia bagitu ju, itu ana bua dong taku sang TUHAN. Andia ko dong horo binatang kasi sang Tuhan, ju angka sumpa sang Dia.

Yunus 1:16 ပူးပေါင်းရင်းမြစ်များ

Carita Mula-mula 28:20

Ais itu, ju Yakob angka sumpa bilang, “Kalo Tuhan Allah sama-sama deng beta, ais jaga sang beta di beta pung jalan ni, deng kasi beta makan deng pakean,

Carita Mula-mula 8:20

Ais Noh susun batu ko bekin meja korban kasi sang TUHAN. Dari binatang-binatang yang bole pake jadi binatang korban, Noh ame satu-satu ekor. Ais dia horo ko bakar sang dong di atas itu meja korban, ko jadi tanda sukur sang TUHAN.

Yunus 1:10

Deng beta ada mau lari jao dari Dia.” Dengar bagitu ju, itu ana bua kapal dong tamba taku lai. Ju dong tanya sang Yunus bilang, “Akurang ko lu bekin bagitu?!”

Yunus 1:14

Ju dong sambayang minta tolong sang Yunus pung TUHAN Allah bilang, “Tuhan! Tolong sang botong doo! Jang kasi tenga botong ancor buang tagal botong mau angka buang ini orang pi dalam laut. Andekata dia sonde parná bekin sala, ais botong bunu bekin mati sang dia, na, jang lempar itu sala pi botong. Te Tuhan yang ator ini samua, bukan botong. Jadi botong jang pikol itu sala.”

Markus 4:31

Itu tingka ke biji yang paling kici ana.

Utusan dong pung Carita 5:11

Ais orang yang parcaya sang Yesus dong, jadi taku. Deng samua orang laen yang dapa dengar soꞌal Ananias deng Safira pung mati tu, ju iko taku.