Yohanis 6:66 - Tuhan pung Kata-kata

⁶⁶ Mulai itu waktu, ju ada banya dari Dia pung ana bua dong ondor diri dari Dia, te dong sonde mau iko sang Dia lai.

Yohanis 6:66 ပူးပေါင်းရင်းမြစ်များ

Lukas 9:62

Ma Yesus kasi tau sang dia bilang, “Bagini! Kalo orang mulai bale tana, ais batasibu deng urusan laen sampe lupa tanam, na, dia pung kabón sonde jadi. Bagitu ju deng orang yang putus mau iko sang Beta, ma maen inga tarús dia pung idop dolo. Orang macam bagitu sonde ada guna jadi orang karjá di Tuhan Allah pung parenta.”

1 Yohanis 2:19

Itu tukang malawan dong kaluar datang dari kotong pung teng-tenga. Padahal dong tu, bukan kotong pung orang. Te andekata dong batúl-batúl kotong pung orang, na, su tantu dong sonde jalan kasi tenga sang kotong, ma dong batahan tarús sama-sama deng kotong. Ma dong su bangun bongkar. Jadi su jalás, dong tu, bukan kotong pung orang, to?

Ibrani 10:38

Orang yang pung hati lurus, nanti dapa salamat, tagal dia parcaya sang Beta. Ma kalo ada yang ondor diri dari Beta, Beta pung hati sonde sanáng.”

Yohanis 6:60

Naa, ada banya orang yang iko sang Yesus. Ma waktu dong dengar Dia ajar bagitu, ju ada yang omong bilang, “Dia pung ajaran tu, barát, é! Sapa yang bisa tarima itu ajaran?”

2 Timotius 4:10

Te sakarang beta sandiri-sandiri sa. Kreskes su barangkat pi propinsi Galatia. Deng Titus su pi daꞌera Dalmatia. Ma Demas su lebe cinta hal-hal yang sonde batúl di ini dunya, jadi dia su jalan kasi tenga sang beta, ko pi kota Tesalonika.

Yohanis 8:31

Ais ju Yesus kasi tau sang itu orang Yahudi dong yang parcaya sang Dia bilang, “Kalo bosong idop taꞌika deng Beta pung Kata-kata dong, deng bosong balajar tarús dari Beta, na, bosong jadi Beta pung ana bua yang batúl.

2 Timotius 1:15

Tantu lu su dengar bilang, Figelus deng Hermogenes, deng orang laen dari propinsi Asia dong su bale balakang kasi tenga sang beta.

Mateos 19:22

Dengar bagitu, ju itu orang pulang deng hati susa, te dia kaya mau mati.

Yohanis 6:64

Ma ada bosong saparu yang sonde parcaya sang Beta.” Yesus omong bagitu, tagal Dia su tau dari mula-mula sapa yang sonde parcaya, deng sapa yang nanti jual buang sang Dia.

Yohanis 2:2

Yesus deng Dia pung ana bua dong ju dapa undang. Ais dong ju pi.

Yohanis 7:3

Ais Yesus pung adi-adi suru sang Dia bilang, “Lebe bae, Bu angka kaki dari sini, ko jalan pi Yudea. Ko biar orang yang iko sang Bu di sana ju bisa dapa lia hal-hal yang Bu ada bekin.