Yohanis 14:22 - Tuhan pung Kata-kata

²² Di situ ada satu orang, nama Yudas. Dia tu, bukan Yudas Iskariot. Waktu dia dengar Yesus pung omong, ju dia tanya bilang, “Bos mau kasi tunju diri sang botong. Ma akurang ko Bos sonde mau kasi tunju diri sang orang laen di ini dunya dong?”

Yohanis 14:22 ပူးပေါင်းရင်းမြစ်များ

Mateos 10:3

Ada ju Filipus, deng Bartolomeos. Ais Tomas, deng Mateos (tukang tagi bea). Ais Yakobis (Alpius pung ana), deng Tadius.

Lukas 6:16

Yudas (Yakobis pung ana), deng Yudas Iskariot (yang nanti jual buang sang Yesus).

Yohanis 3:4

Ais Nikodemus tanya bilang, “Ma karmana orang bisa lahir bagitu, kalo dia su bésar datang!? Dia sonde bisa maso kambali pi dalam dia pung mama pung tampa ana kali kadua, ais dia pung mama barana ulang sang dia. Sonde mungkin, to!?”

Yohanis 3:9

Ais Nikodemus tanya bilang, “Karmana ko bisa jadi bagitu?”

Yohanis 4:11

Itu parampuan bilang, “Om pung ember timba sonde ada. Deng ini parigi ni, ju dalam. Dari mana Om mau dapa itu aer yang bawa idop tu? Ko itu aer ada di mana lai?

Yohanis 6:52

Dengar bagitu, ju orang Yahudi pung bos-bos mulai bakanjar satu deng satu bilang, “Aweꞌ! Dia omong apa tu? Karmana ko ini Orang bisa kasi Dia pung badan ko kotong makan?”

Yohanis 6:60

Naa, ada banya orang yang iko sang Yesus. Ma waktu dong dengar Dia ajar bagitu, ju ada yang omong bilang, “Dia pung ajaran tu, barát, é! Sapa yang bisa tarima itu ajaran?”

Utusan dong pung Carita 1:13

Sampe di kota, ju dong maso pi dalam satu ruma yang dong pake manumpang. Ais dong nae pi kamar atas. Itu utusan dong pung nama, andia: Petrus, Yohanis, Yakobis, Anderias, Filipus, Tomas, Bartolomeos, Mateos, Yakobis (Alpius pung ana), Simon (anggota partei Selot), deng Yudas (Yakobis pung ana).

Yudas 1:1

Salam dari beta, Yudas. Beta ni, kotong pung Bos Yesus Kristus pung orang suru-suru. Beta ju, Yakobis pung adi. Beta tulis ini surat kasi samua orang yang Allah Bapa su pili ame, yang Dia sayang, deng yang Yesus Kristus ada jaga tarús sampe Dia datang kambali.