Yohanis 13:17 - Tuhan pung Kata-kata

¹⁷ Tagal bosong su tau ini hal dong, bosong ontong kalo bosong bekin iko bagitu.

Yohanis 13:17 ပူးပေါင်းရင်းမြစ်များ

Carita Mula-mula 6:22

Ais ju Noh bekin iko sama deng Tuhan Allah pung parenta samua.

Lagu Puji dong 19:11

Tuhan pung Kata-kata dong pung harga, lebe mahal dari mas. Dong pung nilei, lebe tinggi dari mas tulen. Dong pung rasa, lebe manis dari madu. Dong pung manis, lebe dari madu utan yang malele dari dia pung sarang.

Mateos 12:50

Te orang yang bekin iko Beta pung Bapa di sorga pung mau, dong tu Beta pung kelu yang batúl.”

Lukas 11:28

Yesus manyao bilang, “Batúl, mama! Ma yang lebe ontong lai, andia orang yang pasang talinga ko dengar Tuhan Allah pung Kata-kata, deng bekin iko!”

Yohanis 15:14

Kalo bosong bekin iko Beta pung parenta tarús, bosong jadi Beta pung tamán dong.

Roma 2:13

Kalo mau babae deng Tuhan Allah, sonde cukup deng cuma dengar Dia pung Atoran toꞌ. Te orang ju musti bekin iko Dia pung Atoran, baru Dia mau tarima sang dong. Jang cuma dengar sa!

Galatia 5:6

Biar orang sunat ko, sonde ko, itu sonde pantíng. Ma yang pantíng, andia orang parcaya sang Kristus, deng sayang sang orang laen ju.

Yakobis 1:25

Ma bosong jang barenti pareksa bae-bae Tuhan Allah pung Kata-kata yang langkáp, yang bisa kasi lapás sang orang dari dia pung sala-sala dong. Tuhan nanti kasi berkat dalam samua hal yang bosong ada bekin, asal bosong dengar deng bekin iko itu Kata-kata. Jang cuma maso talinga kiri, ais kaluar talinga kanan!

Yakobis 4:17

Inga bae-bae! Orang yang su tau apa yang batúl, ma sonde bekin iko bagitu, itu sama sa deng dia su bekin sala.

Dunya Model Baru 22:14

Orang-orang yang su cuci kasi barisi dong pung pakean, dong yang ontong. Te nanti dong dapa hak ko maso iko pintu garbáng pi dalam itu kota. Orang-orang yang su idop barisi, dong yang ontong. Te nanti dong dapa isin ko makan itu bua yang bekin orang idop tarús-tarús.