Yohanis 11:3 - Tuhan pung Kata-kata

³ Ju dia pung kaka parampuan dong kirim pasán sang Yesus bilang, “Bos pung tamán, andia Lasarus, ada saki barát.”

Yohanis 11:3 ပူးပေါင်းရင်းမြစ်များ

Yohanis 11:5

Naa, Yesus sayang sang Marta, Maria, deng dong dua pung adi Lasarus.

Dunya Model Baru 3:19

Kalo orang yang Beta sayang bekin sala, Beta togor deng hukum sang dong, ko biar dong jadi bae. Jadi bosong musti bekin lurus bosong pung hati, ko bosong batúl-batúl samangat iko sang Beta.

2 Timotius 4:20

Erastus ada tenga di kota Korintus. Tempo hari beta kasi tenga sang Trofimus di kota Miletus, te itu waktu dia ada saki barát.

Yohanis 13:23

Di situ ju ada satu dari dong, yang Yesus sayang (andia beta, Yohanis, yang tulis ini buku). Beta ada dudu di Yesus pung sablá.

Yohanis 11:36

Ais, itu orang Yahudi dong baꞌomong bilang, “Lia sa. Dia sayang mati sang Lasarus!”

Yohanis 11:11

Yesus omong abis bagitu, ju Dia kasi tau bilang, “Kotong pung tamán Lasarus su tidor. Ma nanti Beta kasi bangun sang dia.”

Carita Mula-mula 22:2

Ais Tuhan Allah suru sang dia bilang, “Dengar bae-bae! Ame lu pung ana satu biji yang lu paling sayang. Bawa sang dia pi tana Moria, ko lu bekin sang dia jadi korban bakar kasi Beta. Sampe di sana, baru Beta kasi tunju sang lu dia pung tampa di satu gunung.”

Yohanis 11:1

Ada satu orang, nama Lasarus. Dia tenga di kampong Betania, sama-sama deng dia pung kaka parampuan dua, Maria deng Marta. (Naa, ini Maria ni, yang poꞌa minya wangi di Tuhan Yesus pung kaki, ais lap pake dia pung rambu sandiri.) Satu kali, Lasarus saki barát.

Lukas 7:13

Waktu Yesus lia itu mama janda, ju Dia jato kasian. Tarús Dia omong deng itu mama bilang, “Mama! Suda lai, sonde usa manangis!”

Yohanis 11:21

Ais Marta kasi tau sang Yesus bilang, “Aduu, Bos, é! Kalo Bos ada di sini, pasti beta pung adi sonde mati.

Yohanis 13:13

Bosong suka subu sang Beta bilang, ‘Bapa Guru’ deng ‘Bos’ yang hak parenta sang bosong. Itu pantas, tagal Beta memang bagitu.