Yohanis 10:34 - Tuhan pung Kata-kata

³⁴ Ju Yesus manyao bilang, “Karmana? Di itu Atoran Agama yang bosong pegang tu, ada tulis bilang, ‘Beta kasi tau memang bilang, bosong bos-bos ni, tuhan’.

Yohanis 10:34 ပူးပေါင်းရင်းမြစ်များ

Yohanis 10:35

Naa. Kotong su tau bilang, samua yang ada tatulis dalam Tuhan pung Tulisan Barisi tu, batúl, deng sonde bisa tahapus buang. Tuhan sandiri subu sang itu orang dong bilang, dong tu, ‘tuhan’.

Yohanis 12:34

Ais orang di situ dong tanya bilang, “Botong parná dengar dari Tuhan pung Atoran bilang, nanti Kristus idop tarús. Naa, Kristus deng Manusia Tulen tu, sama, ko? Jadi akurang ko Bapa bilang, ‘Nanti dong mau gantong sang Manusia Tulen di atas kayu palang?’ Ko itu Manusia Tulen tu, sapa?”

Yohanis 15:25

Ma ini hal dong samua su jadi, ko bekin iko apa yang su tatulis dalam Tuhan pung Atoran bilang, ‘Dong binci sang Beta. Padahal dong pung binci tu, sonde ada pung dasar apa-apa.’

Yohanis 8:17

Jang lupa, te ada tatulis di bosong pung Atoran agama bilang, ‘Kalo ada dua orang saksi yang omong hal yang sama, na, itu sah.’

1 Korintus 14:21

Di Tuhan pung Tulisan Barisi, ada tulis bilang: “Kotong pung Bos ada omong bilang, ‘Beta mau pake orang yang omong pake bahasa laen dong, ko Beta omong kasi ini bangsa Israꞌel. Ma biar Beta omong karmana ju, dong sonde mau dengar sang Beta.’ ”