Roma 3:10 - Tuhan pung Kata-kata

¹⁰ Te ada tatulis dalam Tuhan pung Tulisan Barisi bilang, “Sonde ada orang yang idop lurus tarús. Sonde ada satu ju!

Roma 3:10 ပူးပေါင်းရင်းမြစ်များ

Roma 3:23

Tuhan tu, barisi. Deng Tuhan pung sarat, andia kotong ju musti barisi, baru Dia bisa tarima ame sang kotong. Ma samua orang bekin sala. Andia ko biar samua orang coba-coba bekin diri babae deng Tuhan, ma kotong sonde bisa sampe di Tuhan pung sarat yang tinggi tu.

Mateos 15:19

Te banya parkara yang jahat kaluar dari orang pung hati! Sama ke: pikir jahat, bunu orang, barsina, maen serong deng orang yang bukan dia pung laki ko dia pung bini, mancuri, saksi putar-balek, deng omong bekin busuk orang pung nama.

Titus 3:3

Te dolu, waktu kotong balóm kanál sang Tuhan Yesus, kotong ju sonde mangarti apa-apa, deng gampang kaná tipu. Kotong sonde mau dengar orang laen. Kotong idop iko kotong pung hati yang jahat sa, sampe hiki diri deng kotong pung nafsu macam-macam. Kotong culas deng orang laen. Kotong pung idop ponu deng iri hati. Kotong suka simpan hati, ais orang ju simpan hati bale sang kotong.

Markus 10:18

Yesus manyao bilang, “Akurang ko lu bilang sang Beta, ‘terhormat’? Sonde ada satu orang yang terhormat, kecuali Tuhan Allah sa.

1 Petrus 1:16

Te ada tatulis dalam Tuhan pung Tulisan Barisi bilang, “Bosong musti barisi, tagal Beta barisi.”

Roma 3:4

Sonde mungkin! Te biar samua orang di ini dunya tukang putar-balek, ma Tuhan sandiri omong yang batúl tarús! Inga te ada tatulis dalam Tulisan Barisi soꞌal Tuhan pung diri bilang, “Ada orang yang lempar sala bilang, Dia sonde putus parkara deng adil. Ma nanti dong dapa tau bilang, apa yang Dia omong tu, memang batúl. Dia pasti manáng, tagal Dia sonde mungkin omong sala.”

Dunya Model Baru 22:15

Ma orang laen, sonde bole maso di situ. Yang bukan Tuhan pung orang, sonde bole tenga di situ. Andia, orang yang sonde parcaya sang Tuhan, tukang maen serong, tukang songgo-songgo, tukang bunu orang, tukang suanggi, deng tukang putar-balek. Dong samua tu, sonde bole maso. Dong samua tu, kasi tenga pi, di luar sa.

Dunya Model Baru 21:8

Ma ada ju orang yang nanti kaná lempar buang, pi dalam itu laut api balerang, yang manyala sonde pake barenti. Macam ke orang panaꞌu, orang yang bale balakang sang Yesus, orang kamomos, orang maen serong deng orang yang bukan dong pung laki ko dong pung bini, tukang bunu orang, tukang songgo-songgo, tukang suanggi, deng tukang putar-balek. Nanti dong samua kaná lempar buang pi dalam laut api, yang orang bilang, ‘tampa mati yang kadua.’ ”

Roma 11:8

Di Tuhan pung Tulisan Barisi ada tulis soꞌal itu orang kapala batu dong bilang, “Tuhan kasi sang dong, mata yang sonde bisa dapa lia, talinga yang sonde bisa dapa dengar, deng otak kea yang sonde bisa pikir. Jadi dong sonde mangarti yang batúl, sampe ini hari ju.”

Roma 3:11

Sonde ada orang yang mangarti batúl soꞌal Tuhan. Sonde ada satu ju yang cari kanál sang Tuhan.