Mateos 9:23 - Tuhan pung Kata-kata

²³ Ais itu, Yesus dong jalan tarús pi di itu kapala ruma sambayang pung ruma. Sampe di sana ju Dia maso deng lia tukang maen musik duka, deng orang banya manangis makarereu.

Mateos 9:23 ပူးပေါင်းရင်းမြစ်များ

Utusan dong pung Carita 9:39

Dengar bagitu, ju Petrus bangun ko pi iko memang sang dong. Sampe di sana, ju dia langsung maso pi mama Tabita pung kamar. Itu kamar su ponu deng mama janda dong yang ada datang manangis makarereu di situ. Dong kasi tunju sang Petrus, dong pung baju deng pakean laen yang Dorkas ada jaet kasi sang dong waktu dia masi idop.

Lukas 7:32

Dong tu, sama ke ana-ana yang ada dudu-dudu di pasar. Dong maen babatarea deng bamangomek bilang, ‘Botong tiop suling rame-rame, ma bosong sonde manari sanáng. Ais botong manyanyi lagu mete, ma bosong sonde manangis.’

Mateos 11:17

‘We! Botong tiop suling rame-rame, ma bosong sonde manari sanáng-sanáng. Ais botong manyanyi lagu duka, ma bosong sonde manangis.’

Utusan dong pung Carita 20:10

Ais Paulus turun, ju paló ame itu nyong. Ais dia omong bilang, “Sonde usa taku. Dia idop.”

Dunya Model Baru 18:22

Su sonde ada orang lai, yang maen musik di itu kota. Su sonde ada orang, yang dapa dengar sasando, gitar, suling, deng tarompet pung bunyi di itu kota lai. Su sonde ada tukang, yang karjá di dong pung bidang lai. Su sonde ada orang, yang mol padi di itu kota lai.