Mateos 8:31 - Tuhan pung Kata-kata

³¹ Ju itu setan dong minta sang Yesus bilang, “Kalo mau usir sang botong, na, suru sang botong ko maso pi dalam itu babi dong sa!”

Mateos 8:31 ပူးပေါင်းရင်းမြစ်များ

Markus 5:12

Ais ju itu setan dong minta sang Yesus bilang, “Suru sang botong ko pi maso di itu babi dong.”

Dunya Model Baru 12:12

Jadi samua yang idop di sorga, musti sanáng! Ma samua yang idop di bumi musti bajaga, tagal calaka su mau jato kaná sang bosong. Setan dong pung bos su turun datang di bosong. Dia su mara mau mati, tagal dia tau bilang, dia pung waktu bekin jahat tu, su mau abis!”

Markus 5:7

Lia itu orang pung muka bagitu, ju Yesus omong bilang, “Hoi! Setan jahat! Lu kaluar dari ini orang su!” Ais, itu orang batarea karás-karás bilang, “Heh! Lu mau bekin apa sang beta! Beta tau Lu ni, memang Yesus, Tuhan Allah yang paling kuasa pung Ana. Beta minta ko Lu jang siksa sang beta!”

Mateos 4:24

Sonde lama, ju kabar soꞌal Yesus tu, tasiar kuliling sampe di anteru propinsi Siria. Ais ju orang bawa datang dong pung orang saki macam-macam pi sang Dia. Dong ju bawa orang yang takaná setan, yang gila kambing, deng yang lumpu. Ju Dia bekin bae dong samua.

Mateos 7:6

Jang ajar hal barisi soꞌal Tuhan, kasi tukang baꞌolok. Tagal dong tu, sama ke anjing jahat yang nanti bale datang ko saráng sang bosong. Dong ju bodo sama ke babi. Kalo orang kasi kalong mutiara yang mahal, na, dia sonde toe! Te dia cuma tau inja-inja sa.”

Mateos 8:30

Sonde jao dari situ, ada babi bam-banya doꞌi-doꞌi tana ko cari makan.

Mateos 8:32

Ju Yesus parenta sang dong bilang, “Pi su!” Ais, itu setan dong kaluar kasi tenga itu dua orang, ju dong maso pi dalam itu babi dong. Tarús itu babi dong lari harba-biruk turun iko pinggir gunung ko maso pi dalam dano. Ju dong samua mati tanggalám.