Mateos 7:12 - Tuhan pung Kata-kata

¹² Jadi, apa yang lu mau orang laen bekin kasi sang lu, na, lu musti bekin bagitu kasi sang dia ju. Tagal ini ni, dasar dari samua yang baꞌi Musa deng Tuhan Allah pung jubir laen dong su ajar memang dari dolu.”

Mateos 7:12 ပူးပေါင်းရင်းမြစ်များ

Lukas 6:31

Lu musti bekin sang orang laen dong, parsís ke lu mau dong bekin bagitu sang lu.

1 Timotius 1:5

Beta kasi nasiat sang lu ni, deng maksud ko biar ajar orang parcaya dong ko idop deng basayang dari hati yang barisi, dari pikiran yang lurus, deng dari parcaya yang sonde maen-maen.

Mateos 5:17

“Bosong jang pikir kata, Beta datang di ini dunya, ko mau hapus buang Tuhan Allah pung atoran yang Dia kasi sang baꞌi Musa. Deng jang kira Beta sonde toe deng apa yang Tuhan Allah pung jubir dong su omong memang dari dolu. Te Beta datang ni, mau bekin samua jadi parsís sama ke samua hal yang dong su omong memang.

Yakobis 2:8

Itu pantas kalo bosong bekin iko Tuhan pung atoran satu yang paling pantíng, yang bilang, “Lu musti sayang orang laen dong, sama ke lu sayang lu pung diri sandiri.” Itu atoran ada tatulis dalam Tuhan Allah pung Tulisan Barisi.