Mateos 5:6 - Tuhan pung Kata-kata

⁶ Orang yang talalu rindu sang Tuhan Allah pung jalan lurus dong, ontong, tagal nanti Dia bekin puas sang dong.

Mateos 5:6 ပူးပေါင်းရင်းမြစ်များ

Yohanis 4:14

Ma orang yang minum itu aer yang Beta kasi, nanti sonde aus ulang lai. Te aer yang Beta kasi tu, sama ke satu mata aer yang maspurak kaluar. Itu aer tu, bawa idop yang batúl yang sonde tau putus-putus.”

Yohanis 6:27

Dengar bae-bae! Jang cuma karjá ko dapa makanan yang nanti jadi busuk buang. Ada lebe bae bosong karjá ko dapa makanan yang batahan tarús, yang bawa idop yang batúl yang sonde tau putus-putus. Te Beta ni, andia Manusia Tulen. Beta yang bisa kasi itu idop sang bosong. Te Bapa di sorga su sarakan itu hak sang Beta na.”

Yohanis 7:37

Pas di pesta pung hari tarahir, yang jadi hari paling bésar tu, ju Yesus badiri, ko batarea bilang, “Dengar, ó! Sapa yang aus, na, biar dia datang di Beta ko minum!

Dunya Model Baru 7:16

Nanti dong sonde rasa lapar lai. Nanti dong sonde rasa aus lai. Nanti dong sonde kaná tabakar dari matahari lai. Nanti dong pung kulit sonde takupas kaná panas lai.

Lukas 6:21

Orang lapar dong! Bosong ontong, tagal Tuhan yang nanti bekin bosong jadi kinyang. Orang yang manangis deng hati susa dong! Bosong ontong, tagal bosong nanti hati babunga deng katawa sanáng.

Lukas 1:53

Dia kasi makan orang lapar dong sampe kinyang, ma Dia usir buang orang kaya dong ko pi deng tangan kosong.

Lukas 6:25

Orang kinyang dong! Bosong calaka, tagal musim lapar yang hebat nae kaná sang bosong. Orang kiki-kaka sambarang dong! Bosong calaka, tagal sangsara datang bekin bosong manangis makarereu pung.