Mateos 5:42 - Tuhan pung Kata-kata

⁴² Kalo ada orang minta lu pung barang apa, na, kasi pi sa. Deng kalo ada orang yang mau pinjam lu pung barang apa, na, kasi pi sa.”

Mateos 5:42 ပူးပေါင်းရင်းမြစ်များ

Ibrani 13:16

Deng jang lupa bekin hal bae kasi orang laen. Kalo dong parlú apa, na, tolong sa. Te itu samua ju jadi sama ke persembahan yang bekin sanáng Tuhan Allah pung hati.

Roma 12:20

Ada lebe bae, bekin iko apa yang Tulisan Barisi kasi tau dari dolu bilang, “Kalo lu pung musu lapar, na, kasi dia makan. Kalo lu pung musu aus, na, kasi dia minum. Te kalo bekin bagitu, nanti dia malu hati, deng hormat bale sang lu.”

Ibrani 6:10

Jadi inga te Tuhan Allah pung hati lurus, deng Dia sonde lupa bosong pung karingat. Te bosong su karjá karás ko tolong Dia pung orang, deng sayang sang dong. Dari dolu, memang bosong su kasi jalan Dia pung karjá. Deng bosong masi ada bekin bagitu.

Yakobis 1:27

Te agama yang barisi tu, sonde ada pung kamomos apa-apa. Itu yang bekin sanáng Tuhan Allah Bapa pung hati. Agama yang batúl bagitu, bekin orang suka bantu mama-mama janda deng ana yatim-piatu dong. Orang yang pung agama macam bagitu, sonde kasi biar orang dalam ini dunya pangaru sang dong deng parkara jahat.

Lukas 11:41

Ma ada lebe bae, bosong kasi sang orang kasian dong dari apa yang bosong punya, ko biar bosong bisa barisi di Tuhan pung muka.

Mateos 5:41

Kalo ada tantara satu paksa sang lu, ko jalan pikol bawa dia pung barang satu kilometer, na, pikol bawa tarús sampe dua kilometer.