Mateos 27:21 - Tuhan pung Kata-kata

²¹ Ais dia tanya ulang lai sang dong bilang, “Dari ini dua orang ni, beta lapás yang mana?” Ju dong samua manyao rame-rame bilang, “Barabas! Kasi lapás sang Barabas sa!”

Mateos 27:21 ပူးပေါင်းရင်းမြစ်များ

Mateos 27:20

Ma itu kapala agama Yahudi pung bos-bos deng tua-tua adat dong tusu-tusu itu orang banya tu, ko dong minta gubernor kasi lapás sang Barabas, deng hukum mati sang Yesus.

Mateos 27:22

Ais dia tanya sang dong bilang, “Kalo bagitu, na, beta bekin karmana deng ini Yesus, yang orang subu bilang, Kristus?” Ju dong samua batarea rame-rame bilang, “Paku bekin mati sang Dia di kayu palang sa!”

Mateos 27:17

Itu hari ju, orang banya pi gubernor Pilatus ko minta dia kasi lapás satu orang bui sama ke biasa. Ju Pilatus tanya sang dong bilang, “Bae! Ma beta kasi lapás sang sapa? Di sini ada Barabas, deng ada ju Yesus yang orang subu bilang, Kristus. Beta kasi lapás yang mana? Bosong pili sa.”

Lukas 20:14

Ma waktu itu tukang garap dong lia sang dia, ju dong baꞌomong bilang, ‘We, bosong lia dolo! Te bapatua su kirim datang dia pung ana sandiri. Dia yang nanti tarima bapatua pung pusaka samua. Jadi mari ko kotong bunu sang dia su! Biar ko kotong yang soa ini kabón.’

Lukas 23:13

Ais ju gubernor Pilatus pange itu kapala agama Yahudi pung bos-bos deng tua-tua adat laen dong, sama-sama deng itu orang banya, ko datang bakumpul dengar dia pung putusan.