Mateos 19:5 - Tuhan pung Kata-kata

⁵ Deng ada tatulis lai bilang, ‘Tagal itu, laki-laki musti kasi tenga dia pung mama-bapa, ko pi idop satu hati deng dia pung bini, te dong dua su jadi satu.’

Mateos 19:5 ပူးပေါင်းရင်းမြစ်များ

1 Korintus 7:4

Te bini su kasi dia pung badan ko jadi dia pung laki pung hak milik. Deng laki su kasi dia pung badan ko jadi dia pung bini pung hak milik.

1 Korintus 7:2

Bagini: tagal ada banya sampát ko orang bisa jato dalam hubungan seks yang sala, andia ko ada lebe bae satu laki-laki deng dia pung bini sandiri. Bagitu ju, satu parampuan deng dia pung laki sandiri.

Efesus 5:31

Di Tuhan Allah pung Tulisan Barisi ada tatulis bilang, “Tagal itu, laki-laki musti kasi tenga dia pung papa deng dia pung mama, ko pi idop satu hati deng dia pung bini, te dong dua su taꞌika jadi satu.”

1 Korintus 6:16

Tantu bosong su tau, kalo orang maen serong ko tidor bacampor deng parampuan nakal, dong dua su taꞌika jadi satu. Te ada tatulis di Tulisan Barisi bilang, “Dong dua su taꞌika jadi satu.”

Roma 12:9

Kalo bosong kasi tunju sayang sang orang, na, kasi tunju sayang yang batúl pung; jang muka-balakang. Bale balakang dari samua hal jahat, deng pegang ame samua hal bae.

Carita Mula-mula 34:3

Sikem jato hati sang Dina deng cinta mau mati sang dia. Jadi Sikem omong manis-manis deng Dina, ko biar Dina ju balas dia pung cinta.

Mateos 19:6

Tagal itu, kalo Tuhan Allah sandiri yang bekin dong dua jadi satu, na, manusia jang kasi cere lai!”