Mateos 14:11 - Tuhan pung Kata-kata

¹¹ Dong potong ame Yohanis pung kapala, ju dong taro dalam dulang, ko pi kasi sang itu nona. Dia tarima ame itu dulang ju, dia koko bawa ko pi kasi sang dia pung mama.

Mateos 14:11 ပူးပေါင်းရင်းမြစ်များ

Dunya Model Baru 16:6

Orang dong su kasi tumpa Tuhan pung orang pung dara. Orang dong su bunu bekin mati Tuhan pung jubir dong. Andia ko, Tuhan su paksa ko dong ju minum dara. Andia ko, Tuhan su balas deng kasi hukuman yang batúl.”

Dunya Model Baru 17:6

Ais beta lia, te itu parampuan su mabok barát, tagal dia su minum Tuhan Allah pung orang dong pung dara. Dia pung arti bilang, dia su bunu Tuhan Allah pung orang dong, tagal dong sonde barenti kasi tau orang soꞌal Yesus. Lia bagitu, ju beta tanganga deng heran mau mati.

Carita Mula-mula 49:7

Jadi sakarang beta kutuk bosong pung asaráng tu, ko su talalu na! Deng bosong pung mara yang sonde ada pung rasa kasian sadiki ju. Nanti bosong musti tanggong sandiri bosong pung jahat. Nanti Tuhan kasi talempar kiri-kanan bosong pung turunan dong. Ais dong tenga tasiram di mana-mana di tana Israꞌel.

Mateos 14:8

Dengar raja pung omong bagitu, ju itu nona pung mama tusu-tusu sang dia. Andia ko dia pi minta bilang, “Bapa! Beta minta Yohanis Tukang Sarani pung kapala. Taro dalam dulang, ko bawa datang kasi sang beta.”

Mateos 14:10

Tarús dia parenta ko orang pi potong ame Yohanis pung kapala di dalam bui.

Mateos 14:12

Waktu Yohanis pung ana bua dong dengar dong su potong ame dia pung kapala, ju dong datang ame dia pung mayat, ko pi kubur. Ais dong pi lapor itu hal sang Yesus.