Mateos 1:5 - Tuhan pung Kata-kata

⁵ Salmon barana sang Boas (dia pung mama, nama Rahab), Boas barana sang Obet (dia pung mama, nama Rut), Obet barana sang Isai,

Mateos 1:5 ပူးပေါင်းရင်းမြစ်များ

Ibrani 11:31

Ada ju Rahab yang dolu jadi parampuan nakal di itu kota. Tagal dia parcaya sang Tuhan Allah, andia ko dia tarima bae-bae orang Israꞌel pung mata-mata, deng kasi sambunyi sang dong di dia pung ruma. Ais Tuhan kasi ancor samua orang Yeriko, tagal dong sonde mau dengar sang Dia. Ma Tuhan kasi salamat sang Rahab, tagal dia pung parcaya.

Yakobis 2:25

Conto laen lai dari mama Rahab, itu parampuan nakal dari jaman dolu. Waktu orang kota Yeriko dong cari ko mau bunu bekin mati orang Israꞌel pung mata-mata, Rahab pi sambunyi ame sang dong. Deng dia suru sang dong ko lari kaluar iko jalan laen, ko orang jang dapa tangkap sang dong. Ais Tuhan cap sang dia, parampuan hati lurus, tagal dia pung bekin bae tu.

Rut pung Carita 1:22

Itu dia pung carita waktu Naꞌomi pulang dari tana Moab deng dia pung ana mantu Rut, yang orang Moab tu. Dong dua sampe di Betlehem, pas deng musim koru jagong rote.

Rut pung Carita 1:4

Waktu ana dong su bésar datang, dong kawin ame bini dari orang Moab dong. Mahlon kawin ame satu parampuan, nama Rut. Kilyon kawin ame satu parampuan, nama Orpa. Ma waktu dong su tenga manumpang di situ kira-kira sapulu taon,

Rut pung Carita 4:21

Salmon barana sang Boꞌas. Boꞌas barana sang Obed.

Lukas 3:32

Daud pung bapa, Isai. Isai pung bapa, Obet. Obet pung bapa, Boas. Boas pung bapa, Salmon. Salmon pung bapa, Nahason.

Mateos 1:4

Ram barana sang Aminadab, Aminadab barana sang Nahason, Nahason barana sang Salmon,

Mateos 1:6

Isai barana sang Daud. Dari Daud sampe itu waktu yang bangsa Israꞌel kaná buang pi Babel, ada 14 turunan lai, andia: Daud barana sang Soleman (dia pung mama tu, dolu Uria pung bini). Soleman barana sang Rehabeam, Rehabeam barana sang Abia, Abia barana sang Asaf, Asaf barana sang Yosafat, Yosafat barana sang Yoram, Yoram barana sang Usia, Usia barana sang Yotam, Yotam barana sang Ahas, Ahas barana sang Heskia, Heskia barana sang Manase, Manase barana sang Amos, Amos barana sang Yosias, Yosias barana sang Yekonya deng dia pung adi dong waktu dong kaná buang pi Babel.