Lukas 7:46 - Tuhan pung Kata-kata

⁴⁶ Bu Mon ju lupa itu adat poꞌa minya di tamu pung kapala, waktu Beta maso tadi. Ma ini parampuan su poꞌa minya wangi yang mahal mati pung di Beta pung kaki.

Lukas 7:46 ပူးပေါင်းရင်းမြစ်များ

Lagu Puji dong 23:5

Tuhan bekin pesta kasi sang beta, di beta pung musu dong pung muka, ko biar dong dapa lia bilang, Tuhan mau kasi tunju Dia pung hati bae sang beta. Tuhan ju taro minya di beta pung kapala, tagal Dia mau kasi tunju hormat sang beta sama ke tuan ruma yang bae tarima tamu deng hormat. Tuhan isi beta pung galás sampe ponu rata, tagal Dia mau poꞌa berkat bam-banya kasi sang beta.

Mateos 6:17

Ma kalo bosong puasa, na, cuci bosong pung muka barisi-barisi, deng sisir rambu bae-bae!

Rut pung Carita 3:3

Jadi beta pung mau, bagini: lu pi mandi dolo. Ais taro minya wangi sadiki, deng pake pakean yang alus ju. Ais itu, lu turun pi itu tampa inja padi tu. Ma jaga bae-bae. Tunggu ko Boꞌas su makan-minum abis dolo, baru kasi biar ko dia lia lu ada di situ.

Lukas 7:47

Bu Mon dengar bae-bae doo! Ini parampuan pung sala memang banya. Ma Tuhan su hapus buang samua, tagal dia su kasi tunju dia pung sayang deng rasa sukur bam-banya kasi sang Beta. Ma orang yang rasa diri sonde bekin sala banya, dia ju rasa sonde parlú dapa ampon banya. Andia ko dia sonde tau sayang, deng sonde tau rasa sukur bale kasi sang Tuhan.”