Lukas 22:40 - Tuhan pung Kata-kata

⁴⁰ Sampe di situ ju, Dia kasi tau sang dong bilang, “Bosong musti sambayang ko biar bosong jang kaná cobaꞌan.”

Lukas 22:40 ပူးပေါင်းရင်းမြစ်များ

Mateos 6:13

Bapa, jaga ko botong sonde bekin jahat. Deng kasi salamat sang botong, dari setan pung kuasa. [Te Bapa tu, Raja yang paling kuasa deng paling hebat. Bapa yang pegang parenta tarús-tarús. Botong pung sambayang, bagitu sa Bapa. Amin.]’

1 Petrus 4:7

Hari kiamat su deka-deka datang. Andia ko bosong musti pikir panjang deng kalam, ko bosong bisa sambayang deng bae.

Lukas 22:46

Ais Yesus togor bilang, “Naa! Akurang ko bosong ada tidor?! Lebe bae bosong sambayang ko biar cobaꞌan datang, na, bosong sonde jato.”

Dunya Model Baru 3:10

Tagal bosong su iko Beta pung parenta ko batahan iko sang Beta tarús, andia ko nanti Beta jaga bae-bae sang bosong dari sangsara yang Tuhan mau kirim datang ko uji samua orang di ini dunya.

Lukas 11:4

Botong minta Bapa lupa buang botong pung sala-sala dong, sama ke botong ju lupa buang orang pung sala yang dong bekin-bekin sang botong. Bapa jaga ko botong sonde bekin jahat.”

Lagu Puji dong 19:13

Sapa bisa tau dia pung sala dong samua? Beta sandiri sonde bisa tau. Andia ko beta minta ko Tuhan hapus buang beta pung sala, yang beta bekin deng sonde sadar.