Lukas 22:38 - Tuhan pung Kata-kata

³⁸ Dong kasi tau bilang, “Papa! Botong ada bawa parang dua.” Ju Yesus manyao bilang, “Cukup su. Sonde usa omong itu lai!”

Lukas 22:38 ပူးပေါင်းရင်းမြစ်များ

Lukas 22:49

Waktu Yesus pung ana bua laen dong dapa tau Yudas pung akal jahat bagitu, ju dong tanya sang Yesus bilang, “Papa! Botong lawan sang dong sa, ko? Te botong ada bawa parang.”

Yohanis 18:36

Ju Yesus kasi tau bilang, “Beta bukan satu raja dari ini dunya. Te kalo Beta jadi raja macam bagitu, pasti Beta pung orang suru-suru dong marontak ko orang Yahudi sonde jadi tangkap ame sang Beta. Memang Beta jadi Raja. Ma sonde ada satu orang di ini dunya yang angka sang Beta bagitu.”

1 Petrus 5:9

Ma jang taku. Bosong musti malawan sang setan dong pung bos tu. Bosong ju musti batahan ko parcaya sang Tuhan tarús. Te bosong su tau bilang, bosong pung sodara orang parcaya di mana-mana di ini dunya, ju musti dapa susa sama ke bosong.

1 Tesalonika 5:8

Ma bosong jang bagitu, te kotong ni su idop dalam taráng. Bosong musti jaga diri. Kalo bosong parcaya tarús sang Tuhan, deng basayang, itu sama ke tantara pake pele dada. Deng kalo bosong harap tarús sang Tuhan Yesus yang kasi salamat sang bosong dari Tuhan Allah pung mara, itu sama ke tantara yang pele kapala pake topi waja.

Mateos 26:51

Ma tau-tau, te Yesus pung orang satu cabu ame dia pung parang, ko seruk bekin putus satu orang pung daon talinga. (Itu orang yang luka tu, andia kapala agama Yahudi pung bos bésar pung orang suru-suru.)

Lukas 22:36

Ais Dia omong tamba bilang, “Ma sakarang su laen. Kalo bosong ada doi, na, bawa. Kalo ada tas, na, bawa ju. Kalo sonde ada kalewang, na, pi jual bosong pung baju satu, ko béli.