Lukas 22:35 - Tuhan pung Kata-kata

³⁵ Ais ju Yesus omong sang dong bilang, “Tempo hari, waktu Beta utus sang bosong ko pi kasi tau Beta pung Kabar Bae pi mana-mana, Beta bilang bosong sonde usa bawa doi, tas, deng sandal. Itu waktu, bosong ada kurang apa?” Ju dong manyao rame-rame bilang, “Tempo hari, botong sonde kurang satu apa ju!”

Lukas 22:35 ပူးပေါင်းရင်းမြစ်များ

Lukas 10:4

Bosong sonde usa bawa doi, ko tas pakean, ko sandal lebe di jalan. Jang buang-buang waktu parcuma deng maen batogor orang di jalan.

Lukas 9:3

Ma Dia kasi tau sang dong bilang, “Inga bae-bae! Bosong sonde usa bawa apa-apa di jalan. Jalan deng baju di badan sa. Sonde usa bawa tongkat, ko tas, ko bakál, ko doi. Baju ganti ju, sonde usa bawa!

Lagu Puji dong 23:1

TUHAN tu, beta pung gambala yang piara ame sang beta. Andia ko beta sonde kurang satu apa ju.

Carita Mula-mula 48:15

Tarús dia sambayang minta Tuhan Allah kasi berkat sang Yusuf bilang, “Lu pung baꞌi Isak pung bapa Abraham, deng lu pung baꞌi Isak sandiri, dong dua iko tarús sang Tuhan Allah pung mau. Tuhan Allah ju su piara sang beta dari muda sampe sakarang.

Lukas 22:34

Ma Yesus manyao bilang, “Peꞌu! Dengar bae-bae. Ini malam, ayam balóm kokoreꞌo, ma lu su manyangkal tiga kali bilang, lu sonde kanál sang Beta.”

Lukas 22:36

Ais Dia omong tamba bilang, “Ma sakarang su laen. Kalo bosong ada doi, na, bawa. Kalo ada tas, na, bawa ju. Kalo sonde ada kalewang, na, pi jual bosong pung baju satu, ko béli.

2 Korintus 8:15

Itu sama ke Tuhan pung Tulisan Barisi ada tulis bilang, “Orang yang dapa banya, sonde dapa lebe dari apa yang dong parlú. Deng orang yang dapa sadiki, sonde dapa kurang dari apa yang dong parlú.”