Lukas 22:34 - Tuhan pung Kata-kata

³⁴ Ma Yesus manyao bilang, “Peꞌu! Dengar bae-bae. Ini malam, ayam balóm kokoreꞌo, ma lu su manyangkal tiga kali bilang, lu sonde kanál sang Beta.”

Lukas 22:34 ပူးပေါင်းရင်းမြစ်များ

Mateos 26:34

Ju Yesus manyao bilang, “Bagitu ko, Peꞌu? Parcaya sang Beta! Ini malam, ayam balóm kokoreꞌo, te lu su omong tiga kali bilang, lu sonde kanál sang Beta!”

Mateos 26:74

Ma dia mulai maki-maki, ju dia malawan bilang, “Weh! Beta sumpa pake Tuhan Allah pung nama! Beta sonde kanál itu Orang!” Pas dia omong bagitu, ju ayam kokoreꞌo.

Markus 14:30

Yesus manyao bilang, “Peꞌu! Inga, é! Ini malam, ayam balóm kokoreꞌo dua kali, ma lu su omong tiga kali bilang, lu sonde kanál sang Beta!”

Lukas 22:33

Ju Petrus manyao bilang, “Sonde, Papa! Beta sonde akan kasi tenga sang Papa. Te beta sadia maso bui sama-sama deng Papa. Biar mati sama-sama deng Papa ju, bae.”

Lukas 22:35

Ais ju Yesus omong sang dong bilang, “Tempo hari, waktu Beta utus sang bosong ko pi kasi tau Beta pung Kabar Bae pi mana-mana, Beta bilang bosong sonde usa bawa doi, tas, deng sandal. Itu waktu, bosong ada kurang apa?” Ju dong manyao rame-rame bilang, “Tempo hari, botong sonde kurang satu apa ju!”

Lukas 22:61

Ju Yesus bale muka ko lia sang dia. Ais Petrus inga Yesus pung omong tadi tu bilang, “Ini malam, ayam balóm kokoreꞌo, ma lu su manyangkal sang Beta tiga kali.”

Yohanis 13:38

Yesus manyao bilang, “Batúl, ko? Lu mau sarakan lu pung idop ko mati kasi sang Beta? Yang batúl, bagini: ayam balóm kokoreꞌo, te lu su manyangkal sang Beta tiga kali.”

Yohanis 18:27

Ma Petrus manyangkal ulang lai, ju ayam kokoreꞌo memang.