Lukas 2:28 - Tuhan pung Kata-kata

²⁸ Lia ame itu Ana, ais baꞌi Simeon koko ame sang Dia, ju dia angka puji kasi Tuhan Allah bilang,

Lukas 2:28 ပူးပေါင်းရင်းမြစ်များ

Lukas 1:64

Takuju sa, ju Sakaria pung lida yang takancing tu, noe memang. Ju dia angka puji sang Tuhan Allah.

Lukas 2:20

Ais ju itu gambala dong bale pi dong pung kambing-domba dong. Ju dong angka nae tinggi-tinggi Tuhan Allah pung nama. Dong minta tarima kasi sang Dia, tagal yang dong dengar deng lia, sama parsís ke apa yang Tuhan pung ana bua su omong tu.

Lukas 1:68

“Puji Tuhan, orang Israꞌel pung Allah! Te Dia su datang ko tabús ame Dia pung orang dong, ko biar dong jang sama ke budak.

Lukas 1:46

Maria angka suara bilang, “Dari beta pung hati yang paling dalam, beta angka nae tinggi-tinggi sang Tuhan!

Markus 10:16

Ais itu, Yesus paló ame itu ana dong, deng taro tangan di dong satu-satu, ko kasi berkat.

Markus 9:36

Ais Yesus koko ame satu ana kici di situ, ko Dia kambali pi dong pung teng-tenga. Ju Dia omong bilang,

Lukas 2:27

Itu waktu, Tuhan pung Roh antar bawa sang Simeon pi Ruma Sambayang Pusat. Itu pas deng Yesus pung mama-bapa ada bawa sang Dia pi situ, ko sarakan sang Dia jadi Tuhan pung milik.

Lukas 2:29

“Puji Tuhan! Tuhan su bekin iko Dia pung janji sang beta. Jadi sakarang Tuhan su bisa kasi lapás sang beta, ko biar beta bisa mati deng tanáng,