Lukas 2:21 - Tuhan pung Kata-kata

²¹ Barana abis dalapan hari, ju dong sunat itu Ana mea iko baꞌi Musa pung atoran. Ju Dia pung mama-bapa kasi nama sang Dia, ‘Yesus’. Itu nama tu, nama yang ana bua dari sorga su kasi tau sang dong, waktu Dia pung mama balóm dudu parú sang Dia.

Lukas 2:21 ပူးပေါင်းရင်းမြစ်များ

Lukas 1:59

Waktu itu ana umur dalapan hari, ju dong sunat sang dia, iko orang Yahudi pung atoran. Dong mau kasi nama itu ana, Sakaria, iko dia pung bapa pung nama.

Lukas 1:31

Sonde lama lai, lu su dudu parú, ais nanti lu barana ame satu ana laki-laki. Lu musti kasi nama sang Dia, Yesus.

Filipi 2:8

Bukan cuma jadi orang kici sa, ma Dia ju bekin Dia pung diri jadi orang hina, ko bekin iko Tuhan Allah pung mau. Biar orang bunu sang Dia di kayu palang ju, Dia tarima sa, deng mati, sama ke Dia orang jahat.

Mateos 3:15

Ma Yesus manyao bilang, “Aman sa. Ma buat sakarang, biar bu yang sarani sang Beta sa. Deng bagitu kotong iko Tuhan Allah pung mau.” Dengar bagitu ju Yohanis manyao bilang, “Dari-dari sa.” Ju dia sarani sang Yesus.

Mateos 1:25

ma dia sonde tidor bakumpul sama ke laki-bini sampe Maria su barana abis itu Ana. Barana abis ju, Yusuf kasi nama itu Ana, Yesus.

Mateos 1:21

Nanti Maria barana satu ana laki-laki. Ais lu musti kasi nama sang dia, Yesus, te Dia yang nanti kasi salamat sang Tuhan Allah pung orang dari dong pung sala-sala dong.”