Lukas 1:49 - Tuhan pung Kata-kata

⁴⁹ tagal Tuhan bekin hal-hal heran kasi sang beta. Dia tu, yang Paling Kuasa deng Paling Barisi.

Lukas 1:49 ပူးပေါင်းရင်းမြစ်များ

Efesus 3:20

Tuhan Allah pung kuasa hebat talalu, lebe dari samua yang kotong bisa minta, deng samua yang kotong bisa pikir. Deng Dia pake itu kuasa yang hebat tu, ko karjá dalam kotong pung hati.

Carita Mula-mula 17:1

Waktu Abram pung umur 99 taon, TUHAN datang kasi tunju Dia pung diri sang Abram. Ju Dia omong bilang, “Beta ni, Tuhan Allah yang Paling Kuasa. Lu musti iko tarús Beta pung mau, deng idop lurus-lurus.

Dunya Model Baru 15:4

Samua orang angka tinggi-tinggi Tuhan pung nama, samua orang puji-puji Tuhan pung bae. Tagal cuma Tuhan sandiri yang barisi. Cuma Dia sandiri sa yang sonde ada pung sala. Nanti samua suku-bangsa datang sémba sang Tuhan. Nanti samua suku datang minta tarima kasi sang Tuhan. Tagal samua orang su lia Tuhan pung karjá yang bae. Deng samua orang su tau Tuhan pung hati yang lurus.”

Dunya Model Baru 4:8

Itu 4 binatang dong, satu-satu ada pung anam sayap. Di itu sayap dong pung bagian luar deng bagian dalam, ju ponu deng mata. Siang-malam dong manyanyi sonde putus-putus bilang, “Botong puji-puji sang Tuhan Allah! Botong angka tinggi-tinggi Tuhan pung nama! Tuhan tu, yang talalu barisi! Tuhan tu, yang pung kuasa paling hebat. Tuhan yang ada dari dolu. Tuhan yang ada sakarang. Deng Tuhan yang ada tarús sampe salamanya!”

Markus 5:13

Dengar bagitu, ju Yesus satuju. Ju itu setan dong lari kaluar dari itu orang ko maso pi dalam itu babi dong. Ju babi yang dua ribu ekor tu, dong balari harba-biruk turun iko gunung pung pinggir pi dalam dano, ju dong samua mati tanggalám di situ.

Lagu Puji dong 24:8

[Kapala agama dong tanya bilang,] “Itu Raja yang paling hebat tu, sapa?” [Jamaꞌat dong manyao bilang,] “Dia tu, TUHAN, yang paling kuat deng paling kuasa. Dia tu, TUHAN, yang sonde parná kala dalam paráng.

Lukas 1:48

Dia su taro mata bae-bae sang beta, Dia pung orang suru-suru yang sonde ada pung arti ni. Mulai sakarang samua orang nanti anggap beta ni, parampuan yang paling ontong,

Lukas 1:50

Tuhan Allah salalu kasi tunju rasa kasian sang samua orang yang hormat deng sémba sang Dia, dari turunan satu pi turunan laen.