Lukas 1:48 - Tuhan pung Kata-kata

⁴⁸ Dia su taro mata bae-bae sang beta, Dia pung orang suru-suru yang sonde ada pung arti ni. Mulai sakarang samua orang nanti anggap beta ni, parampuan yang paling ontong,

Lukas 1:48 ပူးပေါင်းရင်းမြစ်များ

Lukas 11:27

Waktu Yesus masi baꞌomong deng orang banya tu, ada satu parampuan di situ batarea bilang, “Pak pung mama ontong bésar, tagal dia yang dapa barana sang Pak, deng dapa kasi susu sang Pak!”

Lukas 1:42

Ais dia pange kasi tau bilang, “Maria! Nanti orang dong angka nae lu pung nama lebe dari samua parampuan di ini dunya! Nanti orang dong ju angka nae itu Ana yang ada di dalam lu pung parú!

Lukas 1:28

Dia kasi tunju dia pung diri sang itu nona, ju dia bilang, “Salamat, nona, ó! Tuhan Allah su pili ame sang lu, ko mau bekin satu hal bae kasi sang lu. Tuhan Allah ada sama-sama deng lu, Maria.”

Carita Mula-mula 30:13

Ais ju Lea omong bilang, “Wei! Sakarang, baru beta sanáng! Lia te nanti samua parampuan baꞌomong bilang, beta su talalu ontong.” Andia ko dia kasi nama itu ana, Aser (yang pung arti ‘sanáng’).

Lukas 1:45

Tuhan Allah su kasi tunju Dia pung hati bae sang lu, tagal lu parcaya bilang, Dia mau bekin iko Dia pung janji.”

Lukas 1:49

tagal Tuhan bekin hal-hal heran kasi sang beta. Dia tu, yang Paling Kuasa deng Paling Barisi.