Lukas 1:30 - Tuhan pung Kata-kata

³⁰ Ju itu ana bua sambung lai bilang, “Maria! Lu sonde usa taku. Te Tuhan Allah pung maksud kasi tunju Dia pung hati bae sang lu.

Lukas 1:30 ပူးပေါင်းရင်းမြစ်များ

Lukas 1:13

Ma itu ana bua dari sorga omong bilang, “Sakaria! Jang taku, é! Te Tuhan Allah su dengar lu pung sambayang. Jadi lu pung bini nanti barana satu ana laki-laki kasi sang lu. Lu musti kasi nama sang dia, Yohanis.

Roma 8:31

Jadi kotong mau bilang apa lai soꞌal itu hal dong? Tuhan Allah ada deken mati sang kotong. Deng kalo bagitu, na, sapa bisa lawan sang kotong lai? Sonde ada, to?

Mateos 14:27

Ma Yesus omong langsung sang dong bilang, “Woe! Bosong jang taku, ó! Te Beta ni, Yesus! Aman-aman sa!”

Lukas 12:32

Ais Yesus sambung lai bilang, “Bosong sama ke domba satu kumpul kici yang sonde ada pung kuat apa-apa. Ma sonde usa taku! Te bosong pung Bapa di sorga tu, Raja Bésar. Apa yang Dia pung, Dia sanáng kasi sang Dia pung ana sayang dong.

Mateos 28:5

Ju itu ana bua dari sorga tu, kasi tau sang itu mama dong bilang, “Bosong sonde usa taku! Beta tau bosong datang cari sang Yesus, itu Orang yang dong paku bekin mati di kayu palang tu.

Utusan dong pung Carita 27:24

‘Paulus! Lu sonde usa taku apa-apa. Nanti lu musti mangada sang raja bésar di Roma ko urus lu pung parkara. Tagal Tuhan pung hati bae sang lu, andia ko Dia ju kasi salamat sang ini orang dong samua yang ada di atas ini kapal.’

Ibrani 13:6

Jadi kasi kuat bosong pung hati, sama ke orang parná tulis bilang, “Tagal beta pung Bos mau tolong sang beta, andia ko beta sonde taku. Te sonde ada satu orang ju, yang bisa ganggu batúl sang beta.”

Carita Mula-mula 6:8

Ma cuma Noh sa, yang bekin sanáng TUHAN pung hati.