Ibrani 9:7 - Tuhan pung Kata-kata

⁷ Ma cuma kapala agama Yahudi dong pung bos bésar sa yang bole maso pi dalam Tuhan Allah pung Kamar Paling Barisi tu. Deng dia sonde bole maso sambarang waktu, te dia cuma bisa maso satu taon satu kali. Deng kalo dia maso, dia musti bawa binatang korban pung dara, ko pi parcík di itu Peti Janji pung tutu. Itu dara pung maksud, ko biar Tuhan Allah hapus buang itu kapala agama deng dia pung orang dong pung sala samua, biar sala yang dong bekin deng sonde sadar ju.

Ibrani 9:7 ပူးပေါင်းရင်းမြစ်များ

Lagu Puji dong 19:12

Beta ni, Tuhan Allah pung orang karjá. Deng Tuhan pung Kata-kata dong kasi inga beta, ko jang langgar Tuhan pung atoran. Dong ju kasi inga sang beta, ko beta bekin iko tarús Tuhan pung ajaran. Te nanti Tuhan mau balas kasi berkat bam-banya, sang orang yang dengar-dengar sang Dia.

Efesus 4:18

Dong jalan sala-sala, sama ke orang yang jalan di galáp. Dong idop tapisa dari Tuhan Allah, tagal dong tu kapala batu, deng sonde mau toe sang Dia.

Ibrani 10:3

Te tiap taon dong maen minta ulang-ulang ko Tuhan Allah hapus buang dong pung sala-sala,

Ibrani 6:19

Deng bagitu, kotong pung hati su aman, sama ke satu parahu yang su kaluar dari galombang, ko sandar di tampa balabu. Te kotong baharap sang Yesus Kristus yang su jadi kotong pung kapala agama paling tinggi. Dolu, pas deng orang Yahudi dong pung hari bae, kapala agama paling tinggi maso lewat kaen gorden yang pele Kamar yang Paling Barisi, ko mangada sang Tuhan Allah di situ.

Ibrani 7:27

Andia ko Yesus lebe bae dari samua kapala agama model lama. Dolu dong musti kasi korban binatang tiap hari, ko Tuhan Allah hapus buang dong pung sala-sala sandiri. Ais itu, baru dong bekin korban kasi orang dong. Ma Yesus sonde parlú bekin ulang-ulang bagitu, tagal Dia su sarakan Dia pung diri satu kali sa ko jadi korban. Itu su cukup ko Tuhan hapus buang samua orang pung sala-sala dong.

Ibrani 9:3

Ada ju satu kaen gorden bésar tagantong ko pele satu kamar laen yang dong subu bilang, Tuhan Allah pung Kamar Paling Barisi.