Ibrani 2:6 - Tuhan pung Kata-kata

⁶ Di Tuhan Allah pung Tulisan Barisi, baꞌi Daud parná tanya soꞌal manusia pung harga bilang, “Tuhan Allah! Akurang ko Tuhan taro mata sang manusia? Akurang ko Tuhan sayang sang dong? Te dong cuma manusia biasa sa!

Ibrani 2:6 ပူးပေါင်းရင်းမြစ်များ

Ibrani 4:4

Di carita soꞌal Tuhan Allah bekin langit deng bumi, ada tatulis soꞌal Tuhan Allah barenti cape bilang, “Tuhan karjá abis samua, ju dia pung beso, pas deng hari katuju, Dia barenti.”

1 Petrus 1:11

Kristus pung Roh ada karjá dalam dong pung hati ko kasi tau memang bilang, nanti Kristus musti kaná susa, deng jalan karmana Dia musti dapa sangsara. Ais itu samua, baru Tuhan angka tinggi-tinggi sang Dia. Andia ko jubir dong mau cari tau kapan ini hal dong jadi.

Lukas 7:16

Samua orang yang ada di situ dong taku mau mati! Ju dong puji-puji sang Tuhan Allah bilang, “Tuhan Allah su utus Dia pung jubir hebat satu kasi kotong!” Ada laen lai yang bilang, “Tuhan Allah su datang di kotong pung teng-tenga, ko kasi tunju Dia pung hati bae!”

Carita Mula-mula 50:24

Yusuf kasi tau dia pung kaka dong bilang, “Kaka dong, é! Beta rasa-rasa, beta pung hari mati su deka-deka. Ma beta parcaya, Tuhan Allah pasti piara bosong. Dia yang nanti antar bosong kaluar dari ini negrí. Dia ju pimpin bosong bale pi negrí yang Dia su sumpa ko mau kasi sang baꞌi Abraham, baꞌi Isak deng papa Yakob.”

Ibrani 5:6

Di bagian laen di Tuhan pung Tulisan Barisi, Dia ju omong bilang, “Lu jadi kapala agama yang satu model deng Melkisedek dolu-dolu tu, ma Lu jadi kapala agama sampe salamanya.”

Lukas 1:78

Tagal Tuhan pung hati noe deng kasian sang kotong, andia ko Dia kasi kotong kasampatan baru, sama ke hari baru bawa taráng yang baru. Kotong yang jalan dalam galáp, deng kotong yang taku mati, tagal balóm babae deng Tuhan, nanti dapa taráng ko antar sang kotong pi jalan dame.”

Lukas 1:68

“Puji Tuhan, orang Israꞌel pung Allah! Te Dia su datang ko tabús ame Dia pung orang dong, ko biar dong jang sama ke budak.

1 Tesalonika 4:6

Jang ada orang yang mau ame ontong, deng mau maen serong deng orang yang sama-sama parcaya sang Tuhan Allah. Te Tuhan tu, Bos yang nanti balas samua yang jahat bagitu. Ini samua botong su kasi tau sang bosong ulang-ulang, deng su kasi inga memang dari dolu.