Ibrani 13:6 - Tuhan pung Kata-kata

⁶ Jadi kasi kuat bosong pung hati, sama ke orang parná tulis bilang, “Tagal beta pung Bos mau tolong sang beta, andia ko beta sonde taku. Te sonde ada satu orang ju, yang bisa ganggu batúl sang beta.”

Ibrani 13:6 ပူးပေါင်းရင်းမြစ်များ

Carita Mula-mula 15:1

Ais itu, TUHAN kasi tunju diri sang Abram. Ju Dia bilang, “Abram! Lu sonde usa taku. Te Beta yang tangkis ko pele sang lu dari musu. Deng Beta kasi ontong bésar sang lu.”

Mateos 10:28

Jang taku manusia, te dong cuma bisa kasi mati orang sa, ma dong sonde bisa bekin rusak orang pung jiwa. Tagal itu, bosong musti taku sang Tuhan Allah, te Dia sa yang ada pung kuasa ko lempar buang orang pung badan deng dia pung jiwa pi dalam laut api yang manyala tarús-tarús.

Roma 8:31

Jadi kotong mau bilang apa lai soꞌal itu hal dong? Tuhan Allah ada deken mati sang kotong. Deng kalo bagitu, na, sapa bisa lawan sang kotong lai? Sonde ada, to?

Efesus 3:12

Tagal itu, kotong yang su parcaya sang Yesus Kristus, sonde usa taku-taku lai datang baꞌomong deng Tuhan. Te Dia mau tarima kotong, kapan sa.

Ibrani 10:19

Jadi bagini, sodara dong! Yesus su kasi tumpa Dia pung dara ko bekin dingin Tuhan Allah pung hati. Andia ko sakarang kotong su sonde usa taku-taku lai datang mangada sang Dia di Dia pung Tampa Paling Barisi di sorga.

Ibrani 4:16

Tagal itu, mari ko kotong barani deka-deka deng Tuhan Allah di Dia pung korsi parenta. Te Dia tu, hati bae. Jadi kalo kotong sambayang sang Dia, na, pasti Dia mau kasi tunju Dia pung rasa kasian ko tolong sang kotong pas waktu.