Ibrani 11:40 - Tuhan pung Kata-kata

⁴⁰ Dia mau bekin iko Dia pung janji, pake jalan yang lebe bae. Tagal Dia mau ko kotong samua bisa idop tarús sama-sama deng Dia: andia kotong yang sakarang su kanál sang Kristus, deng dong yang su mati dolu-dolu.

Ibrani 11:40 ပူးပေါင်းရင်းမြစ်များ

Dunya Model Baru 6:11

Dong tanya abis bagitu, ju dong satu-satu tarima baju puti panjang. Ada yang kasi tau sang dong bilang, “Tunggu sadiki lai, sampe bosong pung jumla su langkáp. Te masi ada bosong pung sodara dong yang nanti kaná bunu sama ke bosong.”

Ibrani 8:6

Ma Yesus pung tugas jao lebe hebat dari kapala agama model lama dong. Te sakarang Tuhan Allah su ika janji yang lebe bae, tagal Dia ju pake Yesus jadi jambatan ko manusia bisa badame deng Tuhan Allah.

Ibrani 7:19

Te biar orang idop deng bekin iko itu atoran lama dong, ma dong masi ada pung sala-sala. Andia ko sakarang, Tuhan su buka jalan yang lebe bae, ko biar kotong bisa idop badame deng Dia.

Ibrani 9:23

Apa yang beta carita soꞌal kotong pung nene-moyang deng dong pung Tenda Sambayang tu, itu samua cuma conto sa, ko biar kotong bisa mangarti Tuhan Allah pung tampa sambayang yang asli di sorga. Te kalo kapala agama model lama mau maso pi dalam itu Tenda ko sémba sang Tuhan Allah, dong musti bekin barisi samua-samua dolo, pake binatang korban pung dara. Tuhan Allah pung tampa sambayang di sorga ju musti barisi. Ma musti pake dara korban yang lebe hebat dari binatang pung dara.

Ibrani 5:9

Ais Dia memang bekin iko batúl-batúl Tuhan pung mau samua. Andia ko sakarang Dia su jadi Pohon Salamat kasi samua orang yang parcaya sang Dia, ko dong bisa idop tarús-tarús deng Tuhan Allah.

Ibrani 7:22

Deng Dia janji bagitu, Tuhan Allah pake Yesus ko jamin kasi kotong bilang, Dia ada mau ika janji yang lebe bae lai deng kotong.

Ibrani 11:16

Ma itu tana pusaka yang dong su rindu tu, andia tana pusaka yang lebe hebat di sorga. Tagal itu, Tuhan Allah tarima bae sang dong ko dong jadi Dia pung orang. Te Dia su siap memang satu kota kasi sang dong di sorga.