Ibrani 1:11 - Tuhan pung Kata-kata

^11-12 Nanti langit deng bumi puruk buang. Nanti langit deng bumi ilang buang. Ma Lu sandiri idop tarús-tarús. Nanti Lu angka buang langit deng bumi, sama ke orang angka buang pakean puruk. Nanti Lu ganti langit deng bumi, sama ke orang ganti pakean baru. Ma Lu sandiri sonde bagitu. Tagal Lu idop sampe salamanya.”

Ibrani 1:11 ပူးပေါင်းရင်းမြစ်များ

Mateos 24:35

Biar langit deng bumi su ilang buang, ma Beta pung kata-kata ni batahan sonde abis-abis.”

Markus 13:31

Biar langit deng bumi su ilang, ma Beta pung omong ni batahan sonde abis-abis.”

Lukas 21:33

Biar langit deng bumi su ilang, ma Beta pung Kata-kata batahan tarús.”

Ibrani 12:27

Waktu Tuhan omong bilang, Dia mau bekin samua tagoyang “satu kali lai”, dia pung arti bilang, Tuhan mau kasi tagoyang samua yang Dia su bekin di langit deng di bumi, sampe yang sonde bisa batahan, nanti ilang buang. Te yang bisa batahan sa, yang nanti tenga tarús.

Ibrani 8:13

Waktu Tuhan omong bilang, Dia mau ika janji baru deng dong, dia pung arti, itu janji yang lama, su sonde laku lai. Sonde lama lai, te dia su ilang buang.

Dunya Model Baru 1:11

Itu suara suru sang beta bilang, “Yohanis! Beta mau buka kasi lia satu hal sang lu. Samua yang lu lia ni, lu musti tulis. Ais itu, lu musti kirim pi tuju jamaꞌat, andia jamaꞌat di kota Efesus, kota Smirna, kota Pergamus, kota Tiatira, kota Sardis, kota Filadelfia, deng kota Laodikia.”

Dunya Model Baru 2:8

Ais Manusia Tulen sambung Dia pung omong bilang, “Yohanis, sakarang lu musti tulis surat laen. Dia pung bunyi bagini: ‘Buat jamaꞌat di kota Smirna: Ini surat ni, dari Beta, andia Yesus. Samua asal dari Beta, mulai dari partama sampe abis. Dolu Beta mati, ma sakarang Beta su idop kambali. Jadi dengar Beta pung omong ni.

Dunya Model Baru 20:11

Ais itu ju, beta dapa lia ada satu korsi parenta puti bésar. Deng Tuhan Allah ada dudu di atas itu korsi parenta. Takuju ju, bumi deng langit lari fuik, sampe dong ilang buang deng sonde dapa lia sang dong lai.

Dunya Model Baru 21:1

Ais beta lia langit model baru deng bumi model baru, te langit yang lama deng bumi yang lama su ilang buang. Laut ju su sonde ada lai.