Filemon 1:10 - Tuhan pung Kata-kata

¹⁰ Beta minta lu kasi tunju lu pung sayang sang beta pung ana, Onesimus. Dia tu, sama ke beta pung ana sandiri, te dia jadi parcaya sang Yesus dari beta pung karjá waktu beta dalam ini bui.

Filemon 1:10 ပူးပေါင်းရင်းမြစ်များ

Markus 9:17

Ada satu orang datang bilang, “Papa, dengar dolo! Beta ada bawa beta pung ana laki-laki, ko Papa bekin bae sang dia. Dia bisu, sonde bisa baꞌomong, te dia takaná setan.

Roma 12:1

Sodara sayang dong! Tagal Tuhan Allah su kasi tunju Dia pung rasa kasian sang kotong, andia ko beta minta ko bosong sarakan bosong pung diri anteru-anteru pi sang Dia, sama ke korban yang masi idop. Itu yang bekin sanáng Tuhan pung hati. Pasang kaki ko bekin iko Dia pung mau, deng idop barisi, te itu kasi tunju bosong pung sayang deng hormat sang Dia. Memang pantas bosong sémba sang Dia bagitu.

1 Korintus 4:14

Beta tulis ini hal dong, bukan mau bekin bosong jadi malu. Ma beta mau togor sang bosong, tagal beta sayang bosong sama ke beta pung ana sandiri. Andia ko beta kasi tau sang bosong, ko kambali iko jalan yang batúl.

1 Korintus 4:15

Biar ada baribu-ribu orang yang bisa kasi tunju jalan sang bosong soꞌal Kristus, ma cuma ada beta sandiri sa yang jadi bosong pung bapa. Te beta ni, orang partama yang kasi tau sang bosong soꞌal Yesus Kristus pung Carita Bae. Andia ko bosong jadi parcaya sang Dia. Beta bekin bagitu, tagal beta taꞌika bae-bae deng Dia.

Galatia 4:19

Ana sayang dong! Sakarang beta karjá karás lai kasi sang bosong, sampe beta su sama ke parampuan yang saki mau barana. Te beta sonde barenti karjá, sampe bosong pung hati su sama ke Kristus pung hati.

Kolose 4:9

Beta ju kirim pulang sang Onesimus, ko iko sama-sama deng dia. Onesimus tu, sodara satia yang kotong sayang. Dia tu, bosong pung orang sandiri. Dong dua nanti carita sang bosong samua hal yang su jadi di sini.

Filemon 1:11

Beta tau Onesimus tu, lu pung budak yang parná lari fuik. Ais beta tau, dolu dia sonde ada pung guna apa-apa kasi sang lu. Ma sakarang beta parcaya dia ada pung guna bam-banya kasi sang kotong dua.

Filemon 1:13

Dia pung batúl, beta mau tahan sang dia, ko dia bisa ganti sang lu, ko layani sang beta di sini. Te beta sonde bebas bekin apa-apa di sini. Beta jadi orang bui tagal beta kasi tau orang soꞌal Tuhan Yesus pung Carita Bae.

3 Yohanis 1:4

Te beta paling sanáng dengar bilang, beta pung ana-ana dong ada idop iko jalan yang batúl.