Dunya Model Baru 4:1 - Tuhan pung Kata-kata

¹ Manusia Tulen omong abis Dia pung pasán kasi sang itu tuju jamaꞌat dong, ais Tuhan buka kasi lia sang beta hal laen lai. Takuju sa, beta lia satu pintu tabuka di sorga. Ais beta dengar lai itu orang yang pung suara karás sama ke tarompet tu bilang, “Mari! Nae datang di sini su, ko beta mau kasi lia sang lu samua yang nanti jadi.”

Dunya Model Baru 4:1 ပူးပေါင်းရင်းမြစ်များ

Dunya Model Baru 11:12

Ais, itu jubir dua nanti dengar satu suara karás dari langit, yang suru sang dong bilang, “Woi! Bosong dua mari nae datang di sini su!” Ju dong dua taꞌangka nae pi langit deng awan tutu bungkus sang dong. Lia bagitu ju, dong pung musu dong tanganga bodo.

Dunya Model Baru 1:19

Lu musti tulis ame samua yang lu lia sakarang ni, deng tulis samua yang nanti jadi.

Dunya Model Baru 1:10

Ais satu kali, pas deng hari sambayang, beta takaná Tuhan Allah pung Roh. Takuju sa, ju beta dengar ada suara karás yang batarea di beta pung balakang. Dia pung bunyi sama ke tarompet.

Markus 1:10

Waktu Yesus kaluar dari aer, takuju ju, dapa lia langit tabuka. Ais ju Tuhan pung Roh turun pi Dia, sama ke burung pompa.

Dunya Model Baru 22:6

Ais, itu ana bua kasi tau sang beta bilang, “Samua yang beta su kasi tau sang lu ni, memang batúl. Samua orang bisa parcaya beta pung omong ni. Dolu Tuhan Allah pake Dia pung Roh ko kasi tau Dia pung Kata-kata sang dia pung jubir dong. Ma sakarang, Dia su pake Dia pung ana bua dari sorga ko kasi tau Dia pung ana-ana dong soꞌal ini hal samua yang sonde lama lai musti jadi.”

Dunya Model Baru 16:17

Ais ana bua nomer tuju poꞌa buang dia pung bokor pung isi pi di angin. Ju Tuhan Allah omong deng suara bésar dari Dia pung korsi parenta di Ruma Sambayang bilang, “Su abis! Beta pung mara su tapoꞌa abis samua!”

Utusan dong pung Carita 7:56

Ju Stefanus omong bilang, “Bagini bapa-bapa dong. Beta ada lia langit tabuka, deng Manusia Tulen ada badiri di tampa yang paling hormat di Tuhan Allah pung sablá kanan.”

Yohanis 16:13

Ma nanti kalo Roh yang kasi tunju hal-hal yang batúl su datang, na, Dia pimpin ko biar bosong bisa mangarti samua hal yang batúl. Dia sonde omong dari Dia pung diri sandiri sa, ma Dia kasi tau apa yang Dia dengar dari Beta pung Bapa. Dia ju mau kasi tau sang bosong, apa yang lama-lama nanti jadi.

Lukas 3:21

Dulu waktu dong balóm tangkap sang Yohanis, dia ada sarani orang banya. Deng dia ju sarani sang Yesus. Ais itu Yesus sambayang, ju langit tabuka.

Utusan dong pung Carita 10:11

Dia lia sama ke langit tabuka, ais satu isprei bésar muncul, yang ada tagantong di dia pung jiku ampa-ampa. Ju itu isprei mulai turun datang.

Mateos 3:16

Sarani abis, ju Yesus kaluar dari kali. Ma takuju sa, ju langit tabuka. Ais Dia dapa lia Tuhan Allah pung Roh turun datang pi sang Dia, sama ke burung pompa datang hinggap di Dia.

Dunya Model Baru 1:12

Dengar bagitu, ju beta bale balakang ko mau lia sapa yang omong tu. Ma beta dapa lia lampu teꞌoek tuju biji yang ada tadudu di atas tampa taro lampu yang bekin dari mas.

Dunya Model Baru 11:19

Ais itu, beta dapa lia di sorga, Tuhan pung Ruma Sambayang pung pintu ada tabuka. Tarús beta dapa lia itu peti yang dolu dong pake simpan Tuhan Allah pung parenta yang ada tatulis di batu. Ju kilat basambar pi-datang, guntur babunyi bésar basambung, bumi tagoyang-goyang, deng ujan es batu yang barát jato turun dari langit.

Dunya Model Baru 19:11

Ais beta angka muka, ju beta dapa lia sorga tabuka. Takuju, beta lia ada satu kuda puti kaluar datang. Orang yang dudu di itu kuda tu, ada pung nama, “Orang yang Pegang Janji” deng “Orang yang Batúl”. Waktu Dia putus parkara, Dia putus deng batúl. Kalo Dia pi paráng, Dia pi deng hati lurus.