Dunya Model Baru 19:3 - Tuhan pung Kata-kata

³ Ais itu, dong manyanyi lagu laen lai di sorga bilang, “Haleluya! Puji-puji sang Tuhan! Haleluya! Angka tinggi-tinggi Dia pung nama! Tagal asap dari api yang bakar itu parampuan pung mayat tu, nae tarús sonde tau barenti-barenti. Deng asap dari api yang bakar itu kota hebat tu, nae tarús sonde tau abis-abis.”

Dunya Model Baru 19:3 ပူးပေါင်းရင်းမြစ်များ

Dunya Model Baru 18:18

Dong manonton asap yang kaluar dari api. Ais dong dapa tau bilang, dia su tabakar abis. Ju dong manyasal bilang, ‘Aduu kasian! Sonde akan ada kota laen yang sama hebat ke Babel lai. Aduu kasian! Sonde akan ada kota laen, yang sama bagus deng dia lai.’

Dunya Model Baru 18:9

Raja-raja yang dolu datang maen serong deng itu kota pung orang dong, deng idop mewa di situ. Nanti dong lia asap yang nae dari itu api, nanti dong dapa tau itu kota su tabakar abis. Ais dong manangis makarereu sang dia.

Dunya Model Baru 14:11

Pokonya, samua orang yang songgo itu binatang deng dia pung patong, ko, tarima ame dia pung cap, nanti dong dapa siksa bagitu deng sonde tau abis-abis. Asap dari dong pung sangsara nae kaluar siang-malam sonde tau barenti.”

Dunya Model Baru 19:1

Itu ana bua omong abis bagitu, ju beta dengar ada suara bésar tingka ke ada koor bésar manyanyi di sorga. Dong manyanyi bilang, “Haleluya! Haleluya! Kotong angka puji sang kotong pung Allah, tagal Dia yang paling hebat. Haleluya! Haleluya! Kotong angka puji sang kotong pung Allah, tagal Dia yang paling kuasa. Tuhan yang kasi salamat sang kotong, dari kotong pung sala-sala dong. Tuhan yang bekin beres kotong dari kotong pung idop babengko.

Carita Mula-mula 19:28

Ju dia lia turun pi Sodom deng Gomora, deng itu lemba samua. Dia lia, te di mana-mana asap kabuak-kabuak nae pi langit. Deng api makan bekin abis samua.

Yudas 1:7

Deng jang lupa kota Sodom deng kota Gomora, deng kampong-kampong laen yang deka-deka di situ. Dia pung orang dong suka bekin jahat macam-macam deng orang yang bukan dong pung laki ko dong pung bini. Dong ju suka bekin hubungan yang sonde wajar. Ma Tuhan su bekin ancor abis sang dong pake api. Ini carita ni, kasi inga sang kotong, nanti Tuhan mau pake api naraka yang sonde tau mati, ko kasi hukum samua yang jahat.

Dunya Model Baru 19:4

Ais ju itu 24 katua deng itu 4 binatang luar biasa tu, jato tikam lutut ko sémba mangada pi Tuhan Allah pung korsi parenta. Dong kasi hormat sang Dia bilang, “Batúl! Mari ko kotong puji-puji sang Tuhan Allah! Haleluya! Mari ko kotong angka tinggi-tinggi Dia pung nama!”