Carita Mula-mula 7:4 - Tuhan pung Kata-kata

⁴ Inga bae-bae, ó! Te tuju hari lai, Beta kasi turun ujan tar pake barenti sampe ampa pulu siang ampa pulu malam. Deng bagitu, Beta kasi mati abis samua yang idop di darat yang Beta su bekin.”

Carita Mula-mula 7:4 ပူးပေါင်းရင်းမြစ်များ

Carita Mula-mula 7:17

Ujan bésar turun tarús sampe ampa pulu hari, ju banjer nae tamba tinggi sampe kapal taꞌapung. Aer nae tarús sampe tutu ame gunung-gunung yang tinggi.

Carita Mula-mula 7:12

Ju ujan turun tar pake barenti siang-malam, sampe ampa pulu hari.

Carita Mula-mula 6:17

Inga bae-bae! Beta nanti kasi turun banjer bésar ko bekin mati samua yang idop di ini dunya, sampe sonde ada sisa satu apa ju.

Carita Mula-mula 6:13

Ais Tuhan Allah kasi tau sang Noh bilang, “Di mana-mana, Beta cuma dapa lia manusia pung jahat sa. Jadi Beta su putus bilang, Beta mau bekin ancor abis ini dunya deng dia pung isi samua.

Carita Mula-mula 6:7

Andia ko Dia omong bilang, “Deng bagitu, nanti Beta bekin ancor manusia, yang Beta su bekin ame di ini dunya. Burung-burung deng binatang laen dong, ju Beta bekin ancor samua. Te Beta manyasal su bekin sang dong.”

Dunya Model Baru 3:5

Orang yang batahan iko sang Beta sampe dia mati, nanti dia ju pake pakean puti. Beta sonde hapus dia pung nama dari itu tulisan yang daftar samua orang pung nama yang nanti dapa idop tarús-tarús deng Tuhan. Nanti Beta ju mangaku sang dia di muka Beta pung Bapa, deng Bapa pung ana bua di sorga bilang, dia tu, Beta pung orang.

Carita Mula-mula 8:12

Dia tunggu tuju hari lai, ju dia kasi lapás ulang itu burung pompa. Ma ini kali, itu burung su sonde kambali lai.

Carita Mula-mula 7:10

Abis tuju hari, ju banjer tapoꞌa datang ko mulai tutu ame ini dunya.

Carita Mula-mula 8:10

Noh tunggu tuju hari lai, ju dia kasi lapás ulang lai itu burung.

Carita Mula-mula 6:3

Ais ju TUHAN bilang, “Beta su cape deng manusia pung idop yang harba-biruk. Beta pung Roh yang kasi idop sang dong tu, su sonde mau kasi tenga dong idop tarús lai. Dong musti mati. Jadi nanti dong cuma idop sampe 120 taon sa.”

Carita Mula-mula 2:5

balóm ada tanaman apa-apa, tagal Dia balóm kasi turun ujan. Itu waktu, yang ada cuma kabut yang nae dari tana ko bekin basa bumi. Deng balóm ada manusia yang bekin kabón.

Carita Mula-mula 8:2

Dia tutu samua mata aer di bumi, deng kasi barenti ujan dari langit.