Carita Mula-mula 45:2 - Tuhan pung Kata-kata

² Ais, itu pagawe dong samua kaluar, ju Yusuf manangis makarereu karás-karás, sampe orang Masir dong di luar itu kamar dapa dengar. Deng orang-orang di raja pung ruma ju dapa dengar.

Carita Mula-mula 45:2 ပူးပေါင်းရင်းမြစ်များ

Utusan dong pung Carita 20:37

Ju dong samua pung hati susa, tagal Paulus su omong bilang, nanti dong su sonde bakatumu deng dia lai. Jadi waktu dong su mau bapisa, ju dong paló-ciom sang Paulus, deng manangis maskakeduk. Ais ju dong antar sang botong pi di kapal.

Rut pung Carita 1:9

Biar ko Dia ju kasi bosong dua, laki baru yang pung hati bae, ko bosong bisa idop aman sa.” Ais mamatua paló-ciom dong dua, ju dong manangis kuat-kuat.

Carita Mula-mula 46:29

ju Yusuf nae pi dia pung kareta, ko pi katumu deng dia pung papa di situ. Waktu dong bakatumu, ju Yusuf paló dia pung papa, ju manangis lama sakali.

Carita Mula-mula 43:30

Lia sang Benyamin tu, Yusuf pung rindu su mau tapoꞌa kaluar. Te dia sayang mau mati dia pung adi na. Dia su sonde bisa tahan dia pung hati lai. Ju dia capát-capát kasi tenga sang dong, ko maso pi dia pung kamar. Ais dia manangis maskakeduk di situ.

Carita Mula-mula 45:14

Ais dia paló dia pung adi Benyamin, ko dong dua manangis.

Carita Mula-mula 45:15

Dia ju paló ame dia pung kaka dong, ko dia ciom satu-satu. Ais itu, baru dong mulai baꞌomong deng dia.

Carita Mula-mula 42:24

Dengar dong baꞌomong bagitu, ju Yusuf bangun kasi tenga sang dong, ko dia pi manangis sandiri di tampa laen. Waktu dia su manangis abis, ju dia kambali pi dong. Ais dia suru orang ika ame sang Simeon di dia pung sodara dong pung muka.