Carita Mula-mula 45:1 - Tuhan pung Kata-kata

¹ Dengar bagitu, ju Yusuf pung hati noe sampe sonde bisa tahan lai di dia pung pagawe dong pung muka. Andia ko dia suru dong kaluar, ko dia bisa tenga sandiri deng dia pung kaka-adi dong. Deng bagitu, dia bisa mangaku dia pung diri tu, sapa.

Carita Mula-mula 45:1 ပူးပေါင်းရင်းမြစ်များ

Mateos 18:15

Yesus omong lai bilang, “Kalo lu pung sodara orang parcaya bekin sala sang lu, na, lu yang musti pi katumu deng dia. Ais kalo bosong dua sandiri, baru kasi tau dia pung sala. Kalo dia dengar lu pung omong, na, bosong dua su babae kambali tu.

1 Korintus 13:5

Dia sonde kasar. Dia sonde mau manáng sandiri. Dia sonde gampang mara. Dia sonde tau simpan hati.

Utusan dong pung Carita 10:41

Ma sonde samua orang dapa lia sang Dia, cuma botong sa. Waktu Dia su idop kambali tu, botong biasa makan-minum sama-sama deng Dia. Tuhan Allah ju tunju sang botong ko jadi saksi yang pi kasi tau Yesus pung Carita Bae sang banya orang di mana-mana.

Utusan dong pung Carita 7:13

Béli abis, ju dong pulang. Waktu dong pung makanan tu su abis, ju Yakob suru dong pi ulang lai ko coba béli makanan di tana Masir. Baru itu kali Yusuf buka kartu bilang, dia ni, dong pung adi barana Yusuf. Ais itu, baru dia kasi kanál dia pung kelu dong sang Raja Masir.

Carita Mula-mula 44:34

Kalo ini ana sonde iko, na, beta ju sonde bisa pulang. Beta sonde bisa tahan lia papa pung sangsara sampe mati.”

Carita Mula-mula 42:24

Dengar dong baꞌomong bagitu, ju Yusuf bangun kasi tenga sang dong, ko dia pi manangis sandiri di tampa laen. Waktu dia su manangis abis, ju dia kambali pi dong. Ais dia suru orang ika ame sang Simeon di dia pung sodara dong pung muka.