Carita Mula-mula 41:8 - Tuhan pung Kata-kata

⁸ Dia pung pagi, ju raja rasa tar enak. Ju dia parenta orang dong pi pange ame samua dukun deng orang pintar di Masir. Ais dia carita dia pung mimpi sang dong, ma sonde ada yang bisa kasi tau itu mimpi pung arti.

Carita Mula-mula 41:8 ပူးပေါင်းရင်းမြစ်များ

Mateos 2:1

Waktu Yesus lahir di kampong Betlehem di propinsi Yudea, raja Herodes ada pegang parenta. Itu waktu, ada barapa orang datang di kota Yerusalem dari tampa jao di sablá matahari nae. Dong tu, orang yang pintar lia bintang.

Carita Mula-mula 40:8

Ju dong manyao bilang, “Tadi malam botong ada mimpi, ma botong sonde tau dia pung arti.” Ais Yusuf omong bilang, “Sonde ada satu manusia yang tau mimpi pung arti, cuma Tuhan Allah sa. Coba bosong carita dolo. Nanti beta cari tau dia pung arti dong dari Tuhan.”

Carita Mula-mula 40:6

Dia pung beso, Yusuf datang, dapa lia dong dua muka susa.

1 Korintus 1:19

Itu sama ke Tuhan pung jubir Yesaya, parná tulis bilang, “Tuhan Allah bilang, ‘Samua hal yang orang yang pintar dong mangarti, Beta nanti bongkar buang samua, ko jadi hal yang sonde ada pung arti. Dong pung pintar karmana macam ju, Beta nanti angka buang samua, ko jadi hal yang sonde ada pung guna.’ ”

Utusan dong pung Carita 17:18

Ais dia basoꞌal-jawab deng barapa guru dari dua kalompok di itu kota, andia kalompok Epikuros, deng kalompok Stoa. Ma waktu dia baꞌomong soꞌal Yesus bilang, Dia tu, su idop kambali dari Dia pung mati, ju ada dari dong yang buang luda bilang, “Phueh! Dasar tukang omong kosong pung baꞌi!” Ada ju yang olok-olok bilang, “Wueh! Ini orang mau paksa sang kotong ko songgo dong pung dewa asing dong!”

Utusan dong pung Carita 7:22

Tagal itu, orang Masir dong ajar kasi dong pung ilmu samua sang Musa, sampe dia sandiri jadi orang hebat. Deng dia tu, pintar baꞌomong deng pintar karjá.

Carita Mula-mula 41:7

Ju samua buler padi yang kosong tu, kodo ame itu tuju buler padi yang baꞌisi. Ais ju raja tabangun. Baru dia tau, dia su mimpi lai.

Carita Mula-mula 41:15

Dia sampe, ju raja omong bilang, “Nyong, é! Beta ada mimpi, ma sonde ada satu orang ju yang bisa kasi tau itu mimpi pung arti. Ma ada orang kasi tau sang beta bilang, lu bisa.”

Carita Mula-mula 41:24

Ju samua buler padi yang kosong tu, kodo ame itu tuju buler padi yang baꞌisi. Ais itu beta tabangun. Ju beta carita itu mimpi di orang pintar dong. Ma sonde ada satu orang yang bisa kasi tau dia pung arti.”