Carita Mula-mula 41:25 - Tuhan pung Kata-kata

²⁵ Ais Yusuf kasi tau bilang, “Tuan raja. Itu dua mimpi pung arti, cuma satu sa. Tuhan Allah su kasi tau memang sang tuan raja apa yang Dia mau bekin.

Carita Mula-mula 41:25 ပူးပေါင်းရင်းမြစ်များ

Dunya Model Baru 4:1

Manusia Tulen omong abis Dia pung pasán kasi sang itu tuju jamaꞌat dong, ais Tuhan buka kasi lia sang beta hal laen lai. Takuju sa, beta lia satu pintu tabuka di sorga. Ais beta dengar lai itu orang yang pung suara karás sama ke tarompet tu bilang, “Mari! Nae datang di sini su, ko beta mau kasi lia sang lu samua yang nanti jadi.”

Efesus 1:17

Beta sambayang bilang, “Bapa Boꞌi! Bapa tu, beta pung Bos Yesus Kristus pung Tuhan Allah. Deng Bapa tu, yang paling hebat. Beta minta ko Bapa kasi Bapa pung Roh sang orang Efesus dong, ko biar dong bisa mangarti hal-hal yang batúl, deng bisa kanál lebe bae sang Bapa.

Markus 13:23

Ma bosong musti jaga bae-bae, é! Itu hari-hari susa dong balóm sampe, ma Beta su kasi inga memang sang bosong, ó!”

Mateos 24:40

Itu waktu, kalo dua orang ada karjá kabón, takuju sa, te Tuhan Allah angka bawa yang satu, ma yang laen Dia kasi tenga.

Carita Mula-mula 41:16

Ju Yusuf manyao bilang, “Tuan raja. Beta ju sonde tau apa-apa. Cuma Tuhan Allah sa yang bisa kasi tau deng batúl itu mimpi pung arti. Tantu Dia mau kasi tau hal yang bae sang tuan raja.”

Carita Mula-mula 41:26

Itu mimpi pung arti bagini: itu tuju sapi gumu-gumuk dong, deng tuju buler padi baꞌisi tu, andia musim kinyang tuju taon. Dong pung arti satu sa.

Carita Mula-mula 41:28

Jadi Tuhan Allah su kasi tau memang apa yang Dia mau bekin. Itu sama ke beta su omong tadi.

Carita Mula-mula 41:32

Naa! Tuan raja dapa mimpi sampe dua kali tu, dia pung arti bilang, Tuhan Allah su ator memang. Sonde lama lai, te apa yang Dia ator tu, su mulai jadi.

Carita Mula-mula 40:8

Ju dong manyao bilang, “Tadi malam botong ada mimpi, ma botong sonde tau dia pung arti.” Ais Yusuf omong bilang, “Sonde ada satu manusia yang tau mimpi pung arti, cuma Tuhan Allah sa. Coba bosong carita dolo. Nanti beta cari tau dia pung arti dong dari Tuhan.”