Carita Mula-mula 41:16 - Tuhan pung Kata-kata

¹⁶ Ju Yusuf manyao bilang, “Tuan raja. Beta ju sonde tau apa-apa. Cuma Tuhan Allah sa yang bisa kasi tau deng batúl itu mimpi pung arti. Tantu Dia mau kasi tau hal yang bae sang tuan raja.”

Carita Mula-mula 41:16 ပူးပေါင်းရင်းမြစ်များ

2 Korintus 3:5

Kalo cuma dari botong pung diri sandiri sa, na, botong sonde ada pung kuasa ko bisa bekin apa-apa. Te kuasa deng hak yang ada di botong ni, baꞌakar di Tuhan Allah.

Carita Mula-mula 40:8

Ju dong manyao bilang, “Tadi malam botong ada mimpi, ma botong sonde tau dia pung arti.” Ais Yusuf omong bilang, “Sonde ada satu manusia yang tau mimpi pung arti, cuma Tuhan Allah sa. Coba bosong carita dolo. Nanti beta cari tau dia pung arti dong dari Tuhan.”

Utusan dong pung Carita 3:12

Waktu Petrus lia itu orang dong, ju dia angka omong bilang, “We, orang Israꞌel dong! Akurang ko sodara dong heran lia ini hal? Akurang ko bosong maen lia-lia tarús sang botong? Bosong kira kata, ini orang bisa jalan tagal botong ada pake ilmu, ko, tagal botong rajin iko sang Tuhan Allah? Ko, karmana?

1 Korintus 15:10

Ma Tuhan Allah kasi tunju Dia pung hati bae sang beta. Ais Dia yang bekin sang beta ko jadi sama ke sakarang. Waktu Dia ada bekin hal bae kasi sang beta, Dia sonde buang-buang waktu parcuma. Dia pung ujung, beta yang pasang kaki lebe dari samua! Padahal bukan beta yang karjá, ma Tuhan pung hati bae yang ada karjá di beta pung idop.

Utusan dong pung Carita 3:7

Ais Petrus pegang itu orang lumpu pung tangan kanan, ko tolong hela kasi badiri sang dia. Itu waktu ju dia pung kaki dong bae memang.

Lukas 19:42

bilang, “Aduu, orang Yerusalem, é! Beta mau ko ini hari bosong tarima dame yang Beta bawa. Ma tagal bosong sonde toe sang Tuhan, jadi sakarang su talambat. Itu dame su jao dari bosong.

Carita Mula-mula 37:14

Ju dia pung papa bilang, “Lu pi dolo ko lia lu pung kaka dong, deng beta pung kambing-domba dong. Dong ada karmana, na, lu kambali ko lapor sang beta.” Ais ju Yusuf jalan kasi tenga tana Hebron pung padang, ko pi tarús sampe di Sikem.

Carita Mula-mula 41:17

Ais ju raja carita bilang, “Dalam beta pung mimpi tu, beta ada badiri di kali Nil pung pinggir.

Carita Mula-mula 41:25

Ais Yusuf kasi tau bilang, “Tuan raja. Itu dua mimpi pung arti, cuma satu sa. Tuhan Allah su kasi tau memang sang tuan raja apa yang Dia mau bekin.

Carita Mula-mula 41:28

Jadi Tuhan Allah su kasi tau memang apa yang Dia mau bekin. Itu sama ke beta su omong tadi.