Carita Mula-mula 40:19 - Tuhan pung Kata-kata

¹⁹ Dalam tempo tiga hari ni, nanti raja suru orang datang potong buang bapa pung kapala. Ais dong gantong bapa pung badan di tiang. Ju burung dong datang toto bekin abis bapa pung daging.”

Carita Mula-mula 40:19 ပူးပေါင်းရင်းမြစ်များ

Carita Mula-mula 40:22

Ma itu pagawe yang urus raja pung roti tu, dong gantong bekin mati sang dia, parsís ke yang Yusuf su omong.

Galatia 3:13

Ma Kristus su bayar putus, ko kasi bebas sang botong dari itu atoran agama yang ada ika sang botong. Dolu botong idop satenga mati deng pikol barát itu atoran agama, sama ke orang yang kaná kutuk. Ma sakarang Tuhan Yesus su angka itu kutuk dari botong. Te ada tatulis dalam Tulisan Barisi bilang, “Orang yang mati tagantong di pohon, dia kaná kutuk.”

Carita Mula-mula 41:13

Andia ko tuan raja angka ulang sang beta. Ma beta pung tamán kaná hukum mati. Jadi samua tu, parsís sama ke itu orang Ibrani pung omong!”

Carita Mula-mula 40:17

Di bakul paling atas, ada isi raja pung kue macam-macam. Ma burung dong datang ko toto bekin abis itu kue dong dari atas beta pung kapala.”

Carita Mula-mula 40:13

Dalam tiga hari ni, nanti raja kasi kaluar sang bapa dari bui. Ais dia angka kambali sang bapa, ko urus ulang dia pung minum sama ke dolu.

Carita Mula-mula 40:18

Dengar bagitu, ju Yusuf manyao bilang, “Bapa pung mimpi pung arti bagini: itu bakul tiga pung arti, tiga hari ju.

Carita Mula-mula 40:20

Lewat tiga hari, pas deng raja pung hari jadi, ju dia bekin pesta bésar kasi dia pung pagawe samua. Dia parenta ko dong pi kasi kaluar itu dua pagawe dari bui.