Carita Mula-mula 26:34 - Tuhan pung Kata-kata

³⁴ Waktu Esau umur 40 taon, ju dia kawin deng dua nona dari suku Het. Yang satu, Beeri pung ana, nama Yudit. Deng yang satu lai, Elon pung ana, nama Basmat.

Carita Mula-mula 26:34 ပူးပေါင်းရင်းမြစ်များ

Carita Mula-mula 36:2

Esau kawin deng dua nona Kanaꞌan. Yang satu, orang Het, andia Elon pung ana parampuan, nama Ada. Yang kadua, orang Hewi, nama Oholibama. Dia pung bapa, nama Anah, deng dia pung baꞌi, nama Sibeon.

Carita Mula-mula 36:5

Ais Oholibama barana sang Yeus, Yalam deng Kora. Barana sang Esau pung ana dong samua di negrí Kanaꞌan.

Carita Mula-mula 28:9

Jadi dia pi sang bapa bésar Ismael, ais dia kawin lai deng Ismael pung ana, nama Mahalat. Mahalat tu, Nebayot pung adi parampuan.

Ibrani 12:16

Deng ati-ati, deng jaga ko jang ada yang maen serong. Ais ati-ati deng jaga ko jang ada yang idop sonde toe sang Tuhan Allah, sama ke Esau. Esau tu, baꞌi Isak pung ana sulung. Satu hari, Esau pulang deng parú karoncong. Dia minta makanan satu piring dari dia pung adi Yakob, deng bayar pake dia pung hak sulung.

1 Korintus 7:2

Bagini: tagal ada banya sampát ko orang bisa jato dalam hubungan seks yang sala, andia ko ada lebe bae satu laki-laki deng dia pung bini sandiri. Bagitu ju, satu parampuan deng dia pung laki sandiri.

Carita Mula-mula 27:46

Ais Ribka omong deng Isak bilang, “Beta su doak deng Esau pung bini orang Het dong! Kalo Yakob ju kawin deng nona Het, na, lebe bae beta mati sa.”

Carita Mula-mula 28:8

Esau ju tau bilang, dia pung bapa sonde suka sang dia pung bini, orang Kanaꞌan dong.