Carita Mula-mula 19:7 - Tuhan pung Kata-kata

⁷ Dia omong bilang, “Sodara dong! Bosong jang bekin jahat bagitu deng beta pung tamu.

Carita Mula-mula 19:7 ပူးပေါင်းရင်းမြစ်များ

Yudas 1:7

Deng jang lupa kota Sodom deng kota Gomora, deng kampong-kampong laen yang deka-deka di situ. Dia pung orang dong suka bekin jahat macam-macam deng orang yang bukan dong pung laki ko dong pung bini. Dong ju suka bekin hubungan yang sonde wajar. Ma Tuhan su bekin ancor abis sang dong pake api. Ini carita ni, kasi inga sang kotong, nanti Tuhan mau pake api naraka yang sonde tau mati, ko kasi hukum samua yang jahat.

Roma 1:24

Andia ko Tuhan kasi tenga pi parsetan sang dong, ko biar dong bekin iko dong pung mau-mau sa. Dia kasi biar ko dong bekin iko hal jahat macam-macam yang baꞌakar di dong pung hati. Sampe-sampe dong sonde tau malu lai. Ais dong bekin kamomos macam-macam deng dong pung badan sandiri, deng babekin bagitu ju deng orang laen pung badan.

Utusan dong pung Carita 17:26

Dari cuma satu orang sa, Dia bekin ame samua suku-bangsa di anteru bumi. Dia yang bagi kasi suku-bangsa dong, satu-satu deng dia pung tana. Deng Dia yang ator tiap suku-bangsa pung nae, deng dia pung jato, satu-satu deng dia pung waktu.

Carita Mula-mula 19:4

Itu tamu dong balóm pi tidor, te laki-laki Sodom dong, kici-bésar samua, datang kuliling Lot pung ruma.

Carita Mula-mula 19:6

Tarús Lot kaluar, ais tutu pintu.

Carita Mula-mula 19:8

Bosong coba dengar, é? Beta pung ana nona dua orang. Dong masi parawan. Biar beta kasi dong dua sang bosong. Bosong mau bekin apa sang dong, tarsará sa. Ma bosong jang bekin apa-apa deng beta pung tamu. Te iko kotong pung adat, beta musti jaga babae sang dong.”