Carita Mula-mula 13:16 - Tuhan pung Kata-kata

¹⁶ Nanti Beta kasi lu pung turunan dong jadi banya sama ke pasir di pante. Sampe orang dong sonde bisa itong lu pung turunan pung banya.

Carita Mula-mula 13:16 ပူးပေါင်းရင်းမြစ်များ

Carita Mula-mula 28:14

Nanti lu pung turunan dong pung banya sama ke abu. Deng nanti dong tasiram pi mana-mana di samua tampa. Dari lu pung turunan, nanti samua suku-bangsa di dunya dapa berkat.

Carita Mula-mula 32:12

Tuhan yang janji bilang, Tuhan kasi berkat bam-banya sang beta, deng bekin beta pung turunan batamba banya, sama ke pasir di pante yang orang sonde bisa itong ame.”

Carita Mula-mula 22:17

Beta nanti kasi berkat bam-banya sang lu deng lu pung turunan. Nanti dong tamba banya sampe sonde ada orang yang bisa itong ame sang dong, sama ke bintang di langit deng pasir di pante. Lu pung ana-cucu dong nanti kasi kala dong pung musu-musu.

Carita Mula-mula 15:5

Ju Dia bawa sang Abram kaluar, ais Dia bilang, “Sakarang lu lia pi langit. Coba lu lia itu bintang. Lu bisa itong sang dong, ko? Lu pung turunan nanti jadi sama banya deng itu bintang dong!”

Dunya Model Baru 7:9

Ais ju beta dapa lia manusia bam-banya, sampe sonde bisa itong sang dong samua. Dong datang dari samua suku, samua bangsa, samua bahasa, deng samua negara di bumi. Dong samua bakumpul mangada itu korsi parenta deng itu Domba Ana. Dong pake baju puti deng ada pegang daon palam di dong pung tangan.

Carita Mula-mula 46:3

Ais Tuhan bilang, “Beta ni Tuhan Allah yang lu pung papa su sémba dari dolu. Lu jang taku pi Masir. Te Beta nanti bekin lu pung turunan jadi bangsa yang bésar di sana.

Carita Mula-mula 35:11

Beta ni, Tuhan Allah yang Paling Kuasa. Jadi lu barana-cucu bam-banya suda! Nanti bangsa-bangsa dong kaluar datang dari lu pung turunan. Deng lu nanti barana ame raja-raja dong.

Carita Mula-mula 28:3

Biar Tuhan Allah yang Paling Kuasa kasi berkat sang lu, ko lu pung ana-cucu batamba banya, deng lu pung turunan jadi banya bangsa yang hebat.

Carita Mula-mula 21:13

Ma Beta ju kasi berkat sang lu pung bini muda pung ana, tagal dia ju lu pung ana sandiri. Nanti dia pung turunan ju jadi satu bangsa.”

Carita Mula-mula 18:18

Te dia pung turunan nanti tamba banya, deng jadi bangsa yang hebat. Dia nanti jadi berkat kasi sang samua suku-bangsa di ini dunya ju.

Carita Mula-mula 17:20

Beta ju su dengar apa yang lu minta kasi Ismael. Tagal itu, Beta ju kasi berkat sang dia, deng Beta bekin tamba banya dia pung turunan. Nanti ada 12 kapala suku dari dia pung turunan. Deng dia pung turunan nanti jadi satu bangsa yang hebat.

Carita Mula-mula 17:16

Nanti Beta kasi berkat bam-banya sang Sara, ko dia barana kasi lu satu ana laki-laki. Batúl! Nanti Sara jadi banya bangsa pung nene-moyang. Deng nanti Beta angka banya raja dari dia pung turunan.”

Carita Mula-mula 17:6

Beta nanti bekin lu pung turunan dong balipa-ganda. Deng nanti Beta ju kasi bangun banya bangsa dari dong, deng angka banya raja dari itu turunan dong.

Ibrani 11:12

Tagal itu, biar dia su tua ganggók ju, dia masi bisa barana ame turunan bam-banya, sampe sonde ada orang yang bisa itong ame sang dong. Te dong pung banya sama ke bintang di langit, deng pasir di pante.

Carita Mula-mula 16:10

Lu jang taku. Nanti beta bekin lu pung turunan bam-banya, sampe orang sonde bisa itong ontong sang dong.

Carita Mula-mula 17:2

Beta mau ika janji deng lu, deng bekin lu pung turunan dong balipa-ganda.”

Carita Mula-mula 32:13

Ais Yakob tidor di itu tampa. Dia pung beso, ju dia pili ame binatang ko mau kasi parsén sang dia pung kaka.