Carita Mula-mula 12:4 - Tuhan pung Kata-kata

^4-5 Itu waktu, Abram pung umur 75 taon. Dia bawa dia pung bini Sarai, dia pung adi pung ana Lot, dia pung barang pusaka samua, deng samua orang karjá yang dia dapa di kota Haran. Ju Abram dong jalan kasi tenga Haran, ko pi di tampa yang TUHAN su kasi tau sang dia. Jadi dong jalan tarús, sampe di satu tampa, nama Kanaꞌan.

Carita Mula-mula 12:4 ပူးပေါင်းရင်းမြစ်များ

Ibrani 11:8

Baꞌi Abraham ju parcaya sang Tuhan Allah. Tagal itu, Tuhan Allah pange sang dia bilang, “Bram, é! Kaluar kasi tenga lu pung kampong ko pi satu tampa yang nanti Beta kasi tunju sang lu. Te itu tana nanti jadi pusaka kasi lu pung turunan dong.” Dengar bagitu ju, dia bekin iko Tuhan pung mau, biar dia sonde tau mau pi mana.

Carita Mula-mula 11:31

Satu kali, Tera bawa dia pung ana Abram, dia pung ana mantu Sarai, deng cucu Lot, ko dong kaluar kasi tenga kampong Ur. Itu waktu dong mau pi tana Kanaꞌan. Ma sampe di negrí Haran, ju dong tenga di situ sa.

Carita Mula-mula 11:27

Tera pung turunan dong, bagini: Tera pung ana dong, andia Abram, Nahor, deng Haran. Haran dapa satu ana laki-laki, nama Lot.

Utusan dong pung Carita 7:4

Ais dia jalan kasi tenga orang Kasdim dong pung negrí, ju pinda pi kota Haran. Waktu dia pung papa barana mati, ju Tuhan Allah bawa sang dia pinda datang di Kanaꞌan, andia ini tana yang bapa-bapa deng sodara dong ada tenga sakarang ni.

Carita Mula-mula 16:16

Waktu Hagar barana sang Ismael, Abram pung umur su 86 taon.

Carita Mula-mula 25:7

Abraham mati waktu dia pung umur su 175 taon.

Carita Mula-mula 28:10

Ais Yakob jalan kasi tenga Beer Syeba, ko mau pi Haran.

Carita Mula-mula 13:5

Lot, yang iko sama-sama deng Abram tu, ju ada pung binatang piara banya, deng dia pung orang karjá dong ju banya.