Carita Mula-mula 11:6 - Tuhan pung Kata-kata

⁶ Ais Dia omong bilang, “Ini manusia dong samua, satu bangsa, deng pake satu bahasa. Apa yang dong bekin sakarang ni, baru mulai langka partama sa. Beso-lusa, kalo dong samua taꞌika jadi satu sama ke sakarang ni, nanti dong bisa bekin apa sa.

Carita Mula-mula 11:6 ပူးပေါင်းရင်းမြစ်များ

Carita Mula-mula 3:22

Ais TUHAN Allah omong bilang, “Sakarang, ini orang dong su tau mana yang bae, deng mana yang jahat, sama ke Kotong. Jang sampe dong ju makan bua dari itu pohon yang kasi dong idop tarús.”

Carita Mula-mula 11:1

Dolu-dolu, samua orang di dunya baꞌomong pake satu bahasa sa.

Lukas 1:51

Dia pake Dia pung kuasa, ko bekin kaco sang orang yang kapala bésar dong.

Carita Mula-mula 6:5

Itu waktu, TUHAN lia manusia di dunya pung jahat su talalu. Dong pung hati cuma tau pikir jahat tarús sa.

Carita Mula-mula 8:21

Waktu TUHAN dapa ciom itu korban pung baboo wangi, ju Dia pung hati sanáng. Ju Dia pikir bilang, “Mulai sakarang, Beta sonde akan kutuk lai ini dunya tagal manusia pung jahat. Biar dong cuma tau pikir jahat dari kici sa, ma Beta sonde akan kasi ancor abis lai samua yang idop, sama ke yang Beta su bekin tu.

Carita Mula-mula 9:19

Samua orang di dunya pung turunan datang dari Noh pung tiga ana dong.

Utusan dong pung Carita 17:26

Dari cuma satu orang sa, Dia bekin ame samua suku-bangsa di anteru bumi. Dia yang bagi kasi suku-bangsa dong, satu-satu deng dia pung tana. Deng Dia yang ator tiap suku-bangsa pung nae, deng dia pung jato, satu-satu deng dia pung waktu.