Carita Mula-mula 1:6 - Tuhan pung Kata-kata

^6-7 Ais Tuhan Allah omong lai bilang, “Musti ada tampa kosong ko kasi pisa aer. Andia ko ada aer di bagian atas, deng ada aer di bagian bawa.” Omong abis bagitu ju, itu aer tabagi dua.

Carita Mula-mula 1:6 ပူးပေါင်းရင်းမြစ်များ

Lagu Puji dong 19:1

Pasán kasi orang yang pimpin lagu dong: Lagu Puji ni, Daud yang karang.

Carita Mula-mula 1:20

Ais Tuhan Allah omong lai bilang, “Musti ada macam-macam binatang yang idop dalam aer. Deng musti ada macam-macam burung yang tarbáng di atas bumi.”

Lagu Puji dong 150:1

Puji TUHAN! Puji Tuhan Allah, yang ada dalam Dia pung Ruma Sambayang! Puji sang Dia, yang ada di langit yang paling luas!

Carita Mula-mula 1:14

Ais Tuhan Allah omong lai bilang, “Di bagian atas tu, musti ada macam-macam barang taráng ko bekin taráng ini bumi. Musti ada yang kasi taráng waktu siang, deng musti ada laen yang kasi taráng waktu malam. Dong samua jadi tanda ko biar bisa itong hari, taon, deng musim.” Omong abis bagitu ju, samua barang taráng ada.

2 Petrus 3:5

Ma ada satu hal yang itu orang putar-balek dong sonde mau inga ame. Andia dari mula-mula Tuhan cuma omong sa, ais langit ada memang. Ju Tuhan bekin aer. Ais Dia kasi pisa aer dari darat, ju bekin darat muncul datang dari aer. Tuhan su omong karmana, na, itu ada tarús. Lama-lama; Tuhan ju pake aer banjer ko kasi ancor buang samua orang di ini dunya yang ada idop di Noh pung jaman. Ma sakarang Tuhan su kasi tau memang apa yang Dia mau bekin kasi langit deng bumi. Sakarang Dia ada tahan-tahan, ma nanti pas dia pung waktu, Dia mau bakar buang sang dong. Te Tuhan nanti kasi jato hukuman ko kasi ancor buang sang orang yang sonde mau toe sang Dia. Biar bagitu, ma itu orang putar-balek dong sonde mau inga bilang, Tuhan Allah pasti bekin iko apa yang Dia su omong.

Lagu Puji dong 19:2

Langit anteru kasi tunju Tuhan Allah pung hebat. Samua yang ada di sorga kasi lia Dia pung hasil karjá.