2 Yohanis 1:1 - Tuhan pung Kata-kata

¹ Mama boꞌi! Ini surat dari beta, Yohanis, yang jadi pamimpin gareja. Beta tulis ini surat kasi mama, yang Tuhan Allah su pili jadi Dia pung orang, deng kasi mama pung ana-ana dong. Beta sayang sang bosong samua yang pung hati taꞌika deng hal-hal yang batúl. Samua orang laen yang tau hal-hal yang batúl, sayang sang bosong ju.

2 Yohanis 1:1 ပူးပေါင်းရင်းမြစ်များ

Yohanis 8:32

Ais bosong bisa dapa tau hal-hal yang batúl. Deng itu hal-hal yang batúl, yang kasi bebas sang bosong, ko bosong sonde usa jadi budak lai.”

Utusan dong pung Carita 11:30

Kumpul abis, ju dong tunju Barnabas deng Saulus, ko dong dua antar bawa itu doi, ko kasi sang kapala jamaꞌat dong di sana, ko bagi kasi orang-orang susa.

Roma 16:13

Titip salam kasi bu Rufus. Kotong pung Bos yang pili ame sang dia. Titip salam kasi dia pung mama ju. Te dia tu, su sama ke beta pung mama sandiri.

Galatia 2:14

Ma waktu beta lia dong su sonde iko batúl Kabar Bae pung mau, ju beta togor memang sang Petrus di dong pung muka bilang, “We, bu Peꞌu! Bu ni, memang orang Yahudi. Ma Tuhan Allah su buka jalan ko orang yang parcaya sang Yesus Kristus jang taꞌika lai deng orang Yahudi pung atoran agama dong. Deng bu su tarima itu hal. Ais karmana ko sakarang bu masi mau paksa orang yang bukan Yahudi, ko dong bekin diri sama ke orang Yahudi lai?”

Galatia 2:5

Biar dong paksa bagitu, ma botong sonde mau tarima sadiki ju. Deng bagitu, bosong bisa parcaya tarús itu Kabar Bae yang beta su ajar. Te itu memang batúl.

Galatia 3:1

We! Orang Galatia dong! Dolu beta sandiri su kasi tau di bosong pung muka idong, soꞌal Yesus Kristus pung mati di kayu palang. Ma sakarang orang su tipu manta-manta sang bosong! Bosong pung bodo lai!

Galatia 5:7

Dolu bosong su idop iko jalan yang batúl. Ma sakarang sapa yang su putar-balek sang bosong, sampe bosong su sonde iko itu jalan lai?

Kolose 1:5

Bosong bekin bagitu, tagal bosong tau ada hal-hal bae yang tasimpan kasi bosong di sorga. Ini hal dong, bosong parná dengar dari kata-kata yang batúl, andia Tuhan pung Kabar Bae,

1 Timotius 2:4

Dia mau ko samua orang dapa salamat, deng mangarti mana yang batúl. Andia:

Ibrani 10:26

Sodara sayang dong! Kotong su tau sampe alus-alus soꞌal Yesus Kristus pung jalan yang batúl. Ma kalo kotong bale balakang sang Yesus, deng idop bekin sala tarús-tarús, na, dia pung arti bilang, su sonde ada korban laen lai yang bisa hapus buang kotong pung sala dong.

1 Petrus 5:1

Naa, beta sandiri jadi satu pamimpin. Dolu waktu Kristus pikol Dia pung sangsara, beta lia deng mata kapala sandiri. Nanti ju, kalo samua orang dapa lia Tuhan Allah pung hebat, beta ju mau iko lia itu hal dong deng mata kapala sandiri. Jadi beta mau kasi nasiat sang pamimpin laen dong, bagini:

1 Petrus 5:13

Orang parcaya yang bakumpul di kota Babel dong ju ada titip salam kasi sang bosong. Tuhan Allah su pili ame sang dong, sama ke Dia pili ame sang bosong. Beta pung ana Markus ju ada titip salam.

1 Yohanis 2:21

Bosong kira beta tulis ini surat, tagal beta sangka bosong sonde tau apa yang batúl? Sonde! Te bosong su tau na! Bosong su mangarti mana yang batúl, deng mana yang putar-balek.

1 Yohanis 3:18

Ana sayang dong! Jang cuma sayang deng omong manis pake kata-kata sa, ma bekin hal bae ju, ko kasi tunju sayang yang batúl.

2 Yohanis 1:13

Tuhan Allah ju ada pili sang mama pung susi. Dia pung ana-ana dong ada titip salam manis kasi mama dong di sana. Bagitu sa. Salam dari beta, Yohanis

2 Yohanis 1:5

Mama boꞌi! Sakarang beta minta ko kotong samua idop basayang. Yang beta minta tu, bukan parenta baru, ma beta cuma kasi inga parenta yang kotong su pegang memang dari mula-mula.

3 Yohanis 1:1

Sodara Gayus yang beta sayang batúl-batúl. Salam dari beta, Yohanis, yang jadi pamimpin gareja.