2 Timotius 4:22 - Tuhan pung Kata-kata

²² Beta harap Tuhan Allah ada sama-sama deng lu tarús. Biar ko Tuhan kasi tunju Dia pung hati bae sang bosong samua. Bagitu sa, Paulus

2 Timotius 4:22 ပူးပေါင်းရင်းမြစ်များ

Filemon 1:25

Beta minta sang kotong pung Bos Yesus Kristus ko kasi tunju Dia pung hati bae sang bosong samua. Bagitu sa! Saloom, Paulus

Galatia 6:18

Sodara dong! Beta minta ko kotong pung Bos Yesus Kristus kasi tunju Dia pung hati bae sang bosong samua. Bagitu sa! Salam dari beta, Paulus

Kolose 4:18

Jang lupa bilang, dong masi tahan sang beta dalam ini bui. Beta minta ko Tuhan Allah kasi tunju Dia pung hati bae sang bosong. Lia sa, te ini surat, beta teken pake beta pung tangan sandiri, Salam dari beta, Paulus

Roma 1:7

Andia ko beta kirim ini surat kasi bosong di Roma, deng kasi inga bilang, Tuhan Allah ada sayang sang bosong. Dia ju minta ko bosong jadi Dia pung orang yang idop barisi. Beta sambayang ko Tuhan Allah, kotong pung Bapa, deng Yesus Kristus, kotong pung Bos, kasi tunju Dong pung hati bae, deng kasi bosong idop aman, dame, deng tanáng.

Dunya Model Baru 22:21

Beta minta ko Tuhan Yesus kasi tunju Dia pung hati bae sang Dia pung orang dong samua. Amin! Dari beta, Yohanis

1 Petrus 5:14

Kalo bosong bakatumu, na, togor pake ciom manis yang kasi tunju bosong pung sayang. Beta mau ko bosong samua yang parcaya sang Kristus bisa idop aman, dame, deng tanáng. Saloom, Petrus

Efesus 6:24

Beta ju sambayang, ko kotong pung Bos Yesus Kristus kasi tunju Dia pung hati bae sang samua orang yang sayang tarús sang Dia. Beta pung surat sampe sini sa! Saloom, Paulus

1 Timotius 6:21

Ada orang saparu yang parcaya itu ajaran putar-balek dong, sampe dong serong dari dong pung parcaya yang batúl sang Tuhan Allah. Beta minta ko Tuhan kasi tunju Dia pung hati bae sang bosong samua. Saloom, Paulus

1 Korintus 16:23

Beta minta ko Yesus, kotong pung Bos, kasi tunju Dia pung hati bae sang bosong.

Roma 16:20

Tuhan Allah tu, yang bisa kasi kotong idop aman, dame, deng tanáng. Dia yang nanti kasi ancor setan dong pung bos bésar pung kuasa, deng kasi tunju bilang, bosong yang manáng. Itu su sonde lama lai. Beta sambayang minta ko kotong pung Bos Yesus Kristus kasi tunju Dia pung hati bae sang bosong.

Mateos 28:20

Deng ajar sang dong ko bekin iko samua parenta yang Beta su kasi tau sang bosong. Inga, é! Beta ada tarús-tarús di bosong pung teng-tenga, sampe ini dunya kiamat.”

Filipi 4:23

Beta minta ko kotong pung Bos Yesus Kristus, kasi tunju Dia pung hati bae sang bosong samua. Beta pung surat sampe sini sa, Paulus